25 C
Mumbai
Sunday, November 22, 2026
घरविशेषएडिनबरोच्या सर्वाधिक जुन्या शल्यचिकित्सा महाविद्यालयात महर्षी सुश्रुतांचा पुतळा

एडिनबरोच्या सर्वाधिक जुन्या शल्यचिकित्सा महाविद्यालयात महर्षी सुश्रुतांचा पुतळा

शल्यचिकित्सेमधील भारताच्या योगदानावर जागतिक शिक्कामोर्तब

Google News Follow

आधुनिक प्लास्टिक सर्जरीचे जनक आणि “शल्यचिकित्सेचे जनक” म्हणून ओळखले जाणारे महर्षी सुश्रुत यांचा ९० किलो वजनाचा कांस्य पुतळा नुकताच ब्रिटनच्या एडिनबरो येथे बसवण्यात आला आहे. हा पुतळा रॉयल कॉलेज ऑफ ,सर्जन्स ऑफ एडिनबरोच्या ‘प्लेफेअर ऑडिटोरियम’मध्ये स्थापित करण्यात आला. १५०५ मध्ये स्थापन झालेली ही संस्था जगातील सर्वात जुनी आणि मोठी शल्यचिकित्सा संस्था मानली जाते. तिचे १४० हून अधिक देशांमध्ये ३३ हजार पेक्षा जास्त सदस्य आहेत.

या कार्यक्रमाचे नेतृत्व तेलुगू वंशाचे ब्रिटनस्थित शल्यचिकित्सक प्रो. चंद्र चेरुवू यांनी केले. त्यांच्या प्रयत्नांमुळे जागतिक वैद्यकीय समुदायाने महर्षी सुश्रुत यांना “शल्यचिकित्सेचे जनक” म्हणून मान्यता दिली आहे. हा पुतळा प्रोफेसर चेरुवू आणि त्यांच्या कुटुंबाने स्थापन केलेल्या चेरुवू फॅमिली फाऊंडेशनतर्फे भेट म्हणून देण्यात आला. तामिळनाडूतील तिरुवन्नामलाई येथील एका शिल्पकाराने हा पुतळा तयार केला आहे.

कार्यक्रमाला भारताचे एडिनबरो येथील महावाणिज्यदूत सिद्धार्थ मलिक, प्रो. क्लेअर मॅकनॉट, प्रो. रोवान पार्क्स, प्रो. मार्क हॅल्पर्न यांच्यासह अमेरिका, भारत आणि ब्रिटनमधील अनेक मान्यवर उपस्थित होते. या प्रसंगी प्रोफेसर चेरुवू यांनी महर्षी सुश्रुत : शल्यचिकित्सेचे जन्मदाते हे संशोधनाधारित पुस्तक प्रकाशित केले. या पुस्तकाचा स्वीकार करून रॉयल कॉलेज ऑफ सर्जन्स ऑफ एडिनबरोने महर्षी सुश्रुत यांना शल्यचिकित्सेचे जनक म्हणून अधिकृत मान्यता दिली.

हे ही वाचा:

शेअर बाजारात तेजी; आयटी, ऑइल-गॅस क्षेत्राची आघाडी

नीट पुनर्परीक्षेत ‘मुन्ना भाई’ रॅकेटचा पर्दाफाश

कतारच्या रास लाफान एलएनजी प्रकल्पात भीषण स्फोट; ५४ जखमी

‘ऑपरेशन टायगर’ यशस्वी; ओमराजे जाणार शिंदेंसोबत

या पुस्तकात आयुर्वेद आणि आधुनिक वैद्यक क्षेत्रातील 36 तज्ज्ञांनी महर्षी सुश्रुत यांच्या तत्त्वांचे आणि शल्यचिकित्सेतील योगदानाचे सविस्तर विश्लेषण केले आहे.

सुमारे २६०० वर्षांपूर्वी महर्षी सुश्रुत यांनी ३०० हून अधिक प्रकारच्या शस्त्रक्रिया केल्या आणि १२४ शस्त्रक्रिया उपकरणांची निर्मिती केली. त्यांनी जगातील पहिले शल्यचिकित्सेवरील ग्रंथ सुश्रुत संहिता लिहिले.

आधुनिक प्लास्टिक सर्जरी विकसित होण्याच्या अनेक शतकांपूर्वी त्यांनी कपाळावरील त्वचेचा वापर करून नाकाची पुनर्बांधणी (Rhinoplasty) करण्याची पद्धत विकसित केली होती. तसेच शस्त्रक्रिया प्रशिक्षण, वैद्यकीय शिस्त आणि नैतिकतेचे नियमही त्यांनी मांडले होते. प्रोफेसर चंद्रा चेरुवू यांचे मूळ गाव आंध्र प्रदेशातील पेरावली असून त्यांच्या कुटुंबाने गेल्या सहाशे वर्षांपासून गावकऱ्यांना मोफत आयुर्वेदिक वैद्यकीय सेवा दिली आहे.

याशिवाय, त्यांनी आपल्या वडिलांच्या स्मरणार्थ चेरुवू फॅमिली लिगसी ग्रँट अंतर्गत दोन कायमस्वरूपी वार्षिक शल्यचिकित्सा शिष्यवृत्तीही सुरू केल्या आहेत. या शिष्यवृत्तींमुळे शल्यचिकित्सकांना जगभरातील अग्रगण्य वैद्यकीय केंद्रांना भेट देऊन आपले कौशल्य वाढवण्याची संधी मिळणार आहे.

National Stock Exchange
spot_img

प्रतिक्रिया द्या

कृपया आपली टिप्पणी द्या!
कृपया येथे आपले नाव प्रविष्ट करा

The reCAPTCHA verification period has expired. Please reload the page.

आम्हाला follow करा

113,459चाहतेआवड दर्शवा
2,036अनुयायीअनुकरण करा
342,000सदस्य यादीसदस्य व्हा

इतर नवीनतम कथा