सेन्सेक्स ३६३ अंकांनी वधारला

- Advertisement -

अमेरिकेतील व्याजदर वाढीची शक्यता कमी झाल्याचे संकेत आणि जागतिक बाजारातील सकारात्मक वातावरणामुळे भारतीय शेअर बाजाराने शुक्रवारी चार दिवसांची घसरण थांबवत दमदार पुनरागमन केले. सुरुवातीच्या व्यवहारात सेन्सेक्स ५०० अंकांहून अधिक वधारला, तर निफ्टीनेही २३,९००चा टप्पा ओलांडला. दिवसभरातील चढ-उतारानंतर सेन्सेक्स ३६२.५७ अंकांनी वाढून ७६,५१५.४३ अंकांवर, तर निफ्टी २४ अंकांनी वाढून २३,८९७.७० अंकांवर बंद झाला.

अमेरिकेच्या फेडरल रिझर्व्हकडून सप्टेंबरमधील बैठकीत व्याजदर वाढ न करण्याची शक्यता वाढल्याने गुंतवणूकदारांचा आत्मविश्वास मजबूत झाला. अमेरिकेतील प्रमुख शेअर निर्देशांकही एक टक्क्यापेक्षा अधिक वाढून बंद झाल्याचा फायदा भारतीय बाजाराला झाला. मात्र, अमेरिका-इराण तणावामुळे कच्च्या तेलाच्या दरातील वाढ बाजारासाठी चिंतेचा विषय कायम आहे. ब्रेंट क्रूडचा दर ९६ डॉलरच्या आसपास राहिल्याने महागाई आणि व्याजदरांबाबतची चिंता कायम आहे.
हे ही वाचा:
‘पंतप्रधान नरेंद्र मोदींनी १० वर्षांपूर्वीच एआयबद्दल भाकीत केलं होतं!’

म्यानमारच्या विमानावरील हल्ल्यामागे अमेरिकन भाडोत्री सैनिक

क्षेत्रीय निर्देशांकांमध्ये विमा आणि धातू कंपन्यांच्या समभागांत चांगली खरेदी झाली. एसबीआय लाइफ, एचडीएफसी लाइफ, टाटा स्टील आणि रिलायन्स इंडस्ट्रीजच्या समभागांनी बाजाराला आधार दिला. दरम्यान, डेरिव्हेटिव्ह व्यवहारांच्या सेटलमेंट किंमत पद्धतीचा आढावा घेण्याचा निर्णय सेबीने घेतल्याने बीएसई, एंजल वन आणि इतर भांडवली बाजाराशी संबंधित समभागांतही तेजी दिसून आली.