अमेरिकेचे राष्ट्राध्यक्ष ट्रम्प आणि रशियाचे अध्यक्ष पुतीन यांच्यात अलास्कामध्ये भेट झाली. यादरम्यान अमेरिकेनेही आपली शक्ती दाखवून दिली आणि रशियन राष्ट्राध्यक्षांचे मनापासून स्वागत केले. जेव्हा व्लादिमीर पुतिन अँकरेज शहरातील जॉइंट बेस एल्मेनडॉर्फ-रिचर्डसन येथे त्यांच्या विमानातून उतरले आणि अमेरिकेचे अध्यक्ष डोनाल्ड ट्रम्प यांना भेटत होते, तेव्हा आकाशात ‘बी-२ स्टेल्थ बॉम्बर्स’ आणि ‘एफ-२२ लढाऊ विमाने’ आणि ‘एफ-३५ लढाऊ विमाने’ उडताना दिसली. अमेरिका अशा भव्य स्वागताच्या माध्यमातून पुतिन यांना आपल्या लष्करी ताकदीची जाणीव करून देण्याचा प्रयत्न करत होती.
‘बी-२ स्टेल्थ बॉम्बर’ हा तोच शक्तिशाली बॉम्बर आहे, ज्याने गेल्या महिन्यात इराणचे अणुऊर्जा प्रकल्प पूर्णपणे उद्ध्वस्त केले होते. अमेरिकेने या बॉम्बरचा वापर फोर्डो, नतान्झ आणि इस्फहान येथील अणुऊर्जा प्रकल्प उद्ध्वस्त करण्यासाठी केला होता.
