आणखीन एका बलात्काराच्या घटनेने महाराष्ट्र सुन्न झाला…नराधम अटकेत

मुंबई, पुणे, अमरावती, पिंपरी-चिंचवड, वसई अशा लागोपाठ एकामागून एक होणाऱ्या बलात्काराच्या घटनांनी सध्या महाराष्ट्र हादरून गेला आहे. अशातच आता उल्हासनगर येथून आणखीन एक बलात्काराचे प्रकरण पुढे आले आहे. अतिशय संतापजनक आणि चीड आणणार्‍या या घटनेत पुन्हा एकदा एका अल्पवयीन मुलीवर बलात्कार करण्यात आला आहे. हातोड्याचा धाक दाखवत एका नराधमाने १४ वर्षाच्या मुलीवर बलात्कार केला आहे.

उल्हासनगर रेल्वे स्थानक परिसरातच ही घटना घडली आहे. उल्हासनगर रेल्वे स्थानकाला लागून असलेल्या स्काय वॉकवर ही चौदा वर्षांची मुलगी उभी होती. शिर्डीवरून आपल्या आईला भेटून ती परत येत होती. अशावेळी एक तरुण तिच्या जवळ आला आणि तिच्यावर जबरदस्ती करून, हातोड्याचा धाक दाखवत एका निर्जन स्थळी तिला घेऊन गेला. या तरुणाने त्या मुलीवर बळाचा वापर करून तिला बेदम मारहाण केली. तर त्यानंतर तिच्यावर बलात्कार करून तो निघून गेला.

सध्या महाराष्ट्रात सातत्याने होणाऱ्या बलात्काराच्या घटनांनी संपूर्ण राज्य सुन्न झाले आहे. तरीही राज्य सरकार कोणतीही ठोस पावले या विषयांमध्ये उचलताना दिसत नाहीये.