‘द ट्रायल’ या वेब सीरिजमध्ये काजोल सोबत काम करणारी अभिनेत्री आणि कतार एअरवेजची माजी एअर होस्टेस नूर मलाबिका दास ही सोमवारी सकाळी मुंबईतील ओशिवरा येथील राहत्या घरात मृत अवस्थेत आढळून आल्याने एकच खळबळ उडाली आहे.
नूर मलाबिका दास हिने आत्महत्या केल्याची शक्यता प्राथमिक तपासात समोर आले आहे. लहान वयातच तिच्या आकस्मिक निधनाने अनेकांना धक्का बसला आहे.
नूर मलाबिका दास तिच्या बेडरूममध्ये पंख्याला लटकलेल्या अवस्थेत आढळून आली. शेजाऱ्यांनी तिच्या फ्लॅटमधून दुर्गंधी येत असल्याची तक्रार शेजाऱ्यांनी केली,त्यानंतर ओशिवरा पोलीस घटनास्थळी दाखल झाले नूरचा मृतदेह ताब्यात घेऊन शवविच्छेदनासाठी पाठविण्यात आले आहे.
नूर मलाबिका दास यांनी आत्महत्या केल्याचे पोलिसांनी सांगितले. तपास सुरू असून मलाबिकाच्या मृत्यूचे नेमके कारण अद्याप स्पष्ट झालेले नाही. पोलिसांनी नूरच्या कुटुंबीयांशी संपर्क साधण्याचा प्रयत्न केला असता, तिच्या मृतदेहावर दावा करण्यासाठी कोणीही पुढे आले नाही.
पोलिसांनी सांगितले की, नूरचे आई-वडील आसाममध्ये राहतात आणि दोघेही ज्येष्ठ नागरिक आहेत, त्यामुळे दोघांनीही मुंबईत येण्यास असमर्थता दर्शवली आणि नूरच्या एका मित्राला तिचा मृतदेह ताब्यात देण्यास सांगितले.
नूरची बहीणही आसाममध्ये राहते पण तिच्या कुटुंबातील कोणीतरी आजारी आहे, त्यामुळे तिची बहीण तिचा मृतदेह घेण्यासाठी येऊ शकली नाही. त्यानंतर बेवारस मृतदेहांवर अंतिम संस्कार करणाऱ्या एनजीओच्या मदतीने पोलिसांनी रविवारी तिच्यावर अंत्यसंस्कार केले.
एका पोलिस अधिकाऱ्याने नमूद केले की शेजाऱ्यांकडून माहिती मिळाल्यानंतर, पोलिस घटनास्थळी पोहोचले, दरवाजा तोडला आणि मलाबिकाचा मृतदेह बाहेर काढला, जो नंतर शवविच्छेदनासाठी पाठविण्यात आला. ओशिवरा पोलिस अधिकाऱ्यांनी दिलेल्या माहितीनुसार, अभिनेत्री नूर ही दीर्घ काळापासून डिप्रेशनने त्रस्त होती आणि त्यासाठी औषधोपचारही करत होती. हे नैराश्य तिच्या आत्महत्येचे कारण असावे, असा प्राथमिक तपासात अंदाज आहे. या प्रकरणी आत्महत्येची नोंद करण्यात आली आहे.
एका पोलीस अधिकाऱ्याने सांगितले की, नूरच्या घराच्या झडतीदरम्यान पोलिसांना अभिनेत्रीचा मोबाईल फोन आणि डायरीसह काही औषधे सापडली. पोलीस अधिकाऱ्याने सांगितले की, नूरवर ज्या डॉक्टरांच्या उपचाराखाली उपचार केले जात होते, त्याचे प्रिस्क्रिप्शनही सापडले आहे, ज्यामध्ये नूरला आपला राग आटोक्यात ठेवता येत नसल्याचे लिहिले आहे.
या प्रकरणाची सखोल चौकशी करण्याची मागणी अखिल भारतीय सिने कामगार संघटनेने मुख्यमंत्री एकनाथ शिंदे यांच्याकडे केली आहे. असोसिएशनने अभिनेत्रीच्या कठोर निर्णयामागील कारणे उघड करण्यावर जोर दिला.
नूर सोशल मीडियावर सक्रिय होती आणि इंस्टाग्रामवर तिचे 163,000 पेक्षा जास्त फॉलोअर्स होते. अवघ्या पाच दिवसांपूर्वी तिने स्वतःचा एक आनंदी व्हिडिओ शेअर केला होता. नूरने तिच्या शेवटच्या इंस्टाग्राम पोस्टमध्ये कॅप्शनमध्ये लिहिले की एकच चेहरा आहे आणि तो म्हणजे नूर मलाबिकाचा चेहरा. असा चेहरा जो इतर कोणाशीही जुळत नाही आणि तो पाहण्यासाठी तिला आरशाची गरज नाही.
हे ही वाचा:
बेटकुळ्या दाखवणाऱ्यांना महायुतीचे नेते वेसण घालतील काय?
एमसीएचे अध्यक्ष अमोल काळेंचे न्यूयॉर्कमध्ये निधन!
राष्ट्रपती भवनात शपथविधीला पोहचला बिबट्या? व्हिडिओ व्हायरल !
मोदी ३.O चा पहिला निर्णय बळीराजासाठी; किसान सन्मान निधीचा १७ वा हफ्ता जारी
“माझे सौंदर्य हे तुझे प्रतिबिंब आहे,” तिने लिहिले. या शेवटच्या पोस्टमध्ये, तिने तिच्या जगाचे तिचे आरसे म्हणून वर्णन केले आहे, जे विविध भावना आणि अस्तित्वाच्या अवस्था प्रतिबिंबित करते.
नूरने १८ दिवसांपूर्वी तिचे मुंडण केले होते, तिने तिचे मुंडण करतानाचा व्हिडिओही सोशल मीडियावर शेअर केला होता.
नूर ३२ वर्षांची होती आणि ती आसामची होती. अभिनय क्षेत्रात येण्यापूर्वी तिने कतार एअरवेजमध्ये एअर होस्टेस म्हणून काम केले. ‘द ट्रायल’ व्यतिरिक्त, नूरने ‘सिसकियां’, ‘वॉकमन,’ ‘तीखी चटनी,’ ‘जगन्या उपे,’ ‘चरमसुख,’ ‘देखी अंधेखी’ आणि ‘बॅकरोड हसल’ यांसारख्या चित्रपट आणि वेब सीरिजमध्ये काम केले होते.
