गाझियाबाद पोलिसांनी पाकिस्तानची गुप्तचर संस्था आयएसआयसाठी हेरगिरी केल्याच्या आरोपाखाली शनिवारी (१४ मार्च) सहा जणांना अटक केली. पोलिसांनी या कारवाई दरम्यान, सुहेल मलिक, प्रवीण, राज, शिवा आणि ऋतिक यांना अटक केली. त्यानंतर त्यांच्या केलेल्या चौकशी दरम्यान पोलिसांनी सहावा आरोपी इरम उर्फ महक याला अटक केली. सर्व आरोपींना न्यायालयीन कोठडी सुनावण्यात आली आहे.
माहितीनुसार, आरोपी दिल्ली, मुंबई, हरियाणा, राजस्थान, पंजाब आणि कर्नाटकमधील संवेदनशील ठिकाणांचे फोटो, व्हिडिओ आणि ठिकाणे हे पाकिस्तानला देत होते. त्यांनी दिल्लीच्या आर्मी कॅन्टोन्मेंट क्षेत्राचे, सर्व रेल्वे स्थानकांचे, जीआरपी, आरपीएफचे तसेच मुंबईतील रेल्वे स्थानके, संरक्षण क्षेत्रे आणि इतर महत्त्वाच्या संवेदनशील ठिकाणांचे फोटो, व्हिडिओ आणि स्थान डेटा पाकिस्तानला पाठवला असल्याची माहिती समोर आली आहे.
सुमारे सहा महिन्यांपूर्वी, सुहेलने दिल्ली कॅन्ट रेल्वे स्टेशनवर सौरऊर्जेवर चालणारा कॅमेरा बसवल्याचे वृत्त आहे जे थेट पाकिस्तानमधील संपर्क क्रमांकावर फीड प्रसारित करत होते. सर्व माहिती पाकिस्तानला पाठवण्यासाठी आरोपींना ५,००० ते २०,००० रुपयांपर्यंत पैसे मिळत होते. त्यांच्या ताब्यातून जप्त केलेल्या ८ मोबाईल फोनवर सापडलेल्या संपर्क क्रमांकांची पोलिस चौकशी करत आहेत.
आरोपींपैकी दोन, सुहेल आणि राज वाल्मिकी, हे मित्र होते आणि दिल्लीत एकमेकांना ओळखत होते. त्यांनी सुमारे एक वर्षापूर्वी हॉटेल आणि ढाब्यावर एकत्र काम केले होते. नंतर, त्यांनी नोकरी सोडली आणि सुहेल मेरठला गेला. जेव्हा राजला पैशांची गरज होती, तेव्हा सुहेलने त्याला पाकिस्तानसाठी हेरगिरी करण्याच्या त्याच्या कारवायांमध्ये सामील केले. त्यानंतर, प्रवीण, शिव वाल्मिकी, रितिक गंगवार आणि इरम देखील त्याच्यात सामील झाले.
हे ही वाचा:
UAE निर्बंधांचा परिणाम; दुबई मार्गावरील अनेक उड्डाणे रद्द
परराष्ट्र मंत्री एस. जयशंकर बेल्जियमच्या दौऱ्यावर
नरेंद्र मोदी, भाजपला विरोध करताना राहुल गांधी बनलेत भारतविरोधी!
नेतन्याहू यांच्या मृत्यूची अफवा फेटाळली
सुरुवातीला, आरोपी सुहेलला फोटो आणि व्हिडिओ पाठवत असे, जे ते पाकिस्तानमधील त्याच्या संपर्कात पाठवत असत. नंतर, सर्व आरोपी थेट पाकिस्तानमधील त्यांच्या हँडलरशी जोडले गेले आणि त्यांना एका व्हॉट्सअॅप ग्रुपमध्ये जोडले गेले. पोलिसांनी असेही म्हटले आहे की आरोपींना पाकिस्तानमधून काही पार्सल येत होते. सुहेल पाकिस्तानच्या संपर्कात कसा आला याचा तपास पोलिस करत आहेत.
