29 C
Mumbai
Thursday, May 19, 2022
घरक्राईमनामाश्रीलंकन ​​नागरिकाच्या हत्येप्रकरणी त्या सहा जणांना फाशी

श्रीलंकन ​​नागरिकाच्या हत्येप्रकरणी त्या सहा जणांना फाशी

Related

ईश्वरनिंदेप्रकरणी एका श्रीलंकन ​​नागरिकाला जमावाने मारहाण करून जाळल्याप्रकरणी पाकिस्तानमध्ये सहा जणांना फाशीची शिक्षा सुनावण्यात आली आहे. याप्रकरणी पाकिस्तानच्या पंजाब प्रांतातील दहशतवादविरोधी न्यायालयाने सोमवारी, १८ एप्रिल रोजी एका श्रीलंकन ​​नागरिकाला कथित ईशनिंदा केल्याप्रकरणी सहा जणांना मृत्युदंड आणि सात जणांना जन्मठेपेची शिक्षा सुनावली आहे.

लाहोरच्या दहशतवादविरोधी न्यायालयाने उर्वरित ६७ संशयितांना प्रत्येकी दोन वर्षांची शिक्षा सुनावली आहे. न्यायाधीश नताशा नसीम यांनी संशयितांच्या उपस्थितीत हा निकाल दिला आहे. मात्र, न्यायाधीशांनी नऊ अल्पवयीन संशयितांवर निर्णय दिला नाही, ज्यांचा खटला अद्याप पूर्ण झालेला नाही.

लाहोरपासून सुमारे १०० किमी अंतरावर असलेल्या सियालकोटमधील कट्टरपंथी इस्लामी पक्ष तेहरीक-ए-लब्बैक पाकिस्तान च्या समर्थकांसह ८०० हून अधिक लोकांच्या जमावाने एका कपड्याच्या कारखान्यावर हल्ला केला होता. त्या कारखान्याच्या महाव्यवस्थापक प्रियंता कुमारा (४७) यांचा जमावाने बेदम मारहाण करून खून केला आणि नंतर मृतदेह जाळला. या घटनेमुळे पाकिस्तानातील राजकारणी आणि नागरिकांनी संताप आणि निषेध व्यक्त केला. यासोबतच गुन्हेगारांना लवकरात लवकर शिक्षा देण्याची मागणीही करण्यात आली होती. त्यानुसार, न्यायालयाने निकाल दिला आहे.

हे ही वाचा:

ईडीकडून ‘ऍमवे’ कंपनीची ७५७ कोटींची मालमत्ता जप्त

‘मस्क’ कलंदर, ट्विटर बिलंदर

कांदिवलीनंतर चेंबूरमध्ये भाजपच्या पोल खोल अभियान रथाची तोडफोड

श्रीलंकेत नव्या मंत्रिमंडळाची नियुक्ती

या प्रकरणी न्यायालयाने ८९ जणांवर आरोप ठेवले होते. पोलिसांनी नोंदवलेल्या गुन्ह्यानुसार, ८० आरोपी प्रौढ आणि नऊ अल्पवयीन होते. याप्रकरणी अनेक संशयितांना अटक करण्यात आली होती. या घटनेचा संपूर्ण पाकिस्तानमध्ये तीव्र निषेध करण्यात आला असून दोषींना लवकरात लवकर शिक्षा देण्याची मागणी करण्यात आली होती.

spot_img

लेखकाकडून अधिक

प्रतिक्रिया द्या

कृपया आपली टिप्पणी द्या!
कृपया येथे आपले नाव प्रविष्ट करा

आम्हाला follow करा

49,973चाहतेआवड दर्शवा
1,889अनुयायीअनुकरण करा
9,340सदस्य यादीसदस्य व्हा

इतर नवीनतम कथा