तामिळनाडूतील भाजप पदाधिकाऱ्याची टोळक्यांनी मारहाण करून हत्या!

तामिळनाडूच्या शिवगंगई येथे काल भाजप जिल्हा वाणिज्य शाखेचे सदस्य सतीश कुमार यांची हत्या करण्यात आली. पोलिसांनी सांगितले की त्यांना एका टोळीने मारहाण करून ठार मारले. अधिकाऱ्यांच्या मते, ही घटना राजकीय नव्हती तर वैयक्तिक कारणांमुळे घडली होती. भांडणाच्या वेळी कुमार आणि आरोपी गट दोघेही दारूच्या नशेत होते.

या प्रकरणासंदर्भात पोलिस पाचहून अधिक जणांची चौकशी करत आहेत. तथापि, मुख्य आरोपी फरार आहे. शिवगंगई पोलिसांनी सांगितले की, आरोपीचा शोध घेवून लवकरच त्याला अटक केली जाईल. या प्रकरणी अधिक तपास सुरू आहे. तामिळनाडूमध्ये आणखी एका भाजप पदाधिकाऱ्याची निर्घृण हत्या झाल्यानंतर दोन महिन्यांनी हे घडले आहे.

४ जुलै रोजी, राजकापट्टी येथील ३९ वर्षीय बालकृष्णन यांची दिंडीगुल जिल्ह्यातील सनारपट्टीजवळ हत्या करण्यात आली. मित्रांसोबत बोलत असताना मोटारसायकलवरून आलेल्या एका टोळीने त्यांच्यावर सार्वजनिक ठिकाणी हल्ला केला.

पोलिसांनी सांगितले की हल्लेखोरांनी गंभीर दुखापत करून घटनास्थळावरून पळ काढला. नंतर त्याचा मृतदेह शवविच्छेदनासाठी दिंडीगुल जिल्हा सरकारी रुग्णालयात पाठवण्यात आला. प्राथमिक चौकशीत असे दिसून आले आहे की आर्थिक वादातून ही हत्या झाली असावी.

भारत आधीच हिंदू राष्ट्र आहे, त्याला कोणत्याही अधिकृत घोषणेची आवश्यकता नाही: मोहन भागवत

पंतप्रधान मोदींना भेटून उत्साहित झाले जपानी

बाबा सिद्दीकी हत्या प्रकरणात लॉरेन्स बिश्नोई टोळीतील आणखी एका सदस्याला अटक

बंगळुरुमधील चेंगराचेंगरीच्या दुर्घटनेच्या तीन महिन्यानंतर आरसीबीची भावुक पोस्ट