उत्तर प्रदेशमधील गाझियाबाद येथील इंदिरापूरम पोलीस ठाण्याच्या हद्दीत रविवारी त्या वेळी खळबळ उडाली, जेव्हा कारने जात असलेल्या गाझियाबादच्या महापौर सुनीता दयाल यांनी दोन मुलांना हिंडन नदीत काही सामान फेकताना पाहिले. महापौर थांबल्या आणि त्यांनी मुलांना विचारले की यात काय आहे, तर त्यांनी ते गोमांस असल्याचे सांगितले. दोन्ही मुले मदरसा जामिया कनावनीचे विद्यार्थी आहेत. यानंतर घटनास्थळी पोलीसही पोहोचले. यावेळी महापौर पोलिसांवरही संतापल्या आणि म्हणाल्या की, जर यांना सोडून दिले तर संपूर्ण पोलीस ठाणे निलंबित करवून घेईन.
या संपूर्ण प्रकरणाचा व्हिडिओ सोशल मीडियावरही व्हायरल होत आहे. दुसरीकडे पोलिसांनी जप्त केलेल्या मांसाचे नमुने तपासणीसाठी पाठवले आहेत आणि इमामला ताब्यात घेऊन चौकशी सुरू केली आहे. तर स्थानिक लोकांनीही या घटनेवर संताप व्यक्त केला आहे.
काय आहे संपूर्ण प्रकरण?
माहितीनुसार, महापौर सुनीता दयाल आपल्या कारने इंदिरापूरममधील कनावनीजवळ बांधलेल्या हिंडन बॅरेजवरून जात होत्या. त्यांनी दोन मुले प्लास्टिकच्या पोत्यातून काही सामान नदीत फेकताना पाहिले. त्यानंतर त्यांनी गाडी थांबवून विचारणा केली. जेव्हा मुलांनी सांगितले की यात गाईचे मांस आहे, तेव्हा महापौरांनी व्हिडिओ बनवत पोलिसांना माहिती दिली.
हे ही वाचा:
ममता राज्यात ‘गरीबनगरां’मुळे खोळंबले होते २ ट्रिलियनचे प्रकल्प
जागतिक स्तरावर तेलाच्या किमती घसरल्या तरी भारतात इंधन दरवाढ का?
“पाकिस्तानबाबत भारताची चिंता दहशतवाद, मध्यस्थी नव्हे” – रुबिओ
राजस्थानमधील कुंभलगडच्या तटबंदीला दुसऱ्या सर्वात लांब तटबंदीचा बहुमान
घटनास्थळी पोहोचलेल्या पोलिसांनी चौकशी सुरू केली. महापौरांनी स्थानिक पोलिसांबद्दल नाराजी व्यक्त केली आणि म्हणाल्या की, जर आरोपी सुटले तर संपूर्ण पोलीस ठाणे निलंबित करवून घेईन. महापौरांनी सांगितले की, स्थानिक लोकांनी यापूर्वीही अशा प्रकारची घटना घडल्याचे सांगितले आहे.
पोलिसांनी तपास सुरू केला
या प्रकरणात पोलिसांनी सांगितले की, जे मांस फेकले जात होते ते ताब्यात घेण्यात आले आहे आणि त्याचा नमुना तपासणीसाठी पाठवण्यात आला आहे. तसेच ज्या मदरशाचा उल्लेख मुलांनी केला होता, त्या मदरशाच्या इमामला ताब्यात घेण्यात आले आहे. एसीपी अभिषेक श्रीवास्तव यांनी सांगितले की, संपूर्ण प्रकरणाची चौकशी केली जात आहे. अहवाल आल्यानंतर पुढील कारवाई केली जाईल.
