सिनेसृष्टीत सध्या कान्स चित्रपट महोत्सवाची चर्चा रंगली असून दिग्गजांची रेड कार्पेटवरील वेशभूषा विशेष चर्चेचा विषय ठरत आहे. अभिनेत्री आरती खेतरपालने सनातन धर्माचे प्रतिनिधित्व करत रेड कार्पेटवर प्रवेश केला आणि साऱ्यांच्या नजरा तिच्यावर खिळल्या. गळ्यात तुळशीचा हार आणि हातात भगवद्गीता घेऊन आरती खेतरपालने आपल्या देसी लूकने सर्वांची मने जिंकली.
लेहेंगा परिधान करून आरतीने कान्सच्या रेड कार्पेटवर भारतीय संस्कृती आणि सनातन धर्म या दोन्हींचे सुंदर प्रदर्शन केले. लेहेंग्यावरील वृंदावनचे दृश्य, गोमुखीवर कोरलेली भगवान कृष्णाची प्रतिमा आणि तुळशीचा हार यामुळे ती अप्रतिम दिसत होती. तिने तिचे फोटो शेअर करताच, तिचे फोटो जबरदस्त व्हायरल झाले आहेत.
आरतीने तिच्या कान्स पदार्पणासाठी खास वृंदावन-थीम असलेला लेहेंगा तयार करून घेतला होता, जो या लूकचे मुख्य आकर्षण आहे. सुलक्षणा मोंगा यांनी डिझाइन केलेल्या या पिवळ्या रंगाच्या लेहेंग्यावर वृंदावनची सुंदर चित्रे असून, त्यात मंदिरे, वनराई, हिरवळ आणि कृष्णाप्रती असलेली भक्ती दर्शवली आहे. आरतीने लेहेंग्यासोबत भरतकाम केलेला ब्लाउज परिधान केला असून व्ही-नेक असलेल्या या ब्लाउजला अर्ध्या बाह्या होत्या आणि त्यावर सुंदर फुलांची नक्षी आहे. आरतीचा दुपट्टा हा देखील एक विशेष लूक देणारा होता. लेहेंग्याप्रमाणेच, त्यावरही भरजरी भरतकाम होते आणि सरळ काठाऐवजी, त्याच्या खालच्या बाजूला पाकळ्यांसारखे कटआउट डिझाइन होते.
दागिन्यांबद्दल बोलायचे झाल्यास, तिने आपल्या लेहेंग्याला पूरक म्हणून पोलकी दागिन्यांची निवड केली. तिने लाल आणि हिरव्या रंगाच्या खड्यांनी सजवलेला एक सुंदर पोलकी नेकलेस घातला होता, जो तिच्या व्ही-नेकलाइनला शोभून दिसत होता. तिने तुळशीचा हारही घातला होता.
हे ही वाचा:
पेट्रोल-डिझेलच्या दरात ३ रुपयांनी वाढ; तर सीएनजी २ रुपयांनी महागले
कडक उन्हात आरोग्यासाठी वरदान ठरतेय कैरी!
यूपीमध्ये वादळ-पावसाचा कहर; १०४ जणांचा मृत्यू
थायलंड ओपनमध्ये पीव्ही सिंधू आणि सात्विक-चिरागची दमदार आगेकूच, क्वार्टर फायनलमध्ये धडक
आरतीने तिच्या लूकमध्ये असे अनेक घटक समाविष्ट केले आहेत, जे सनातन धर्माची एक सुंदर झलक दर्शवतात. त्याचबरोबर, तिच्या लूकमधील सर्वात वैशिष्ट्यपूर्ण गोष्ट म्हणजे तिची खास तयार केलेली लाल रंगाची गोमुखी. ती हातात धरून, तिने सनातन आणि कृष्ण भक्तीचा संदेश अधिक विशेष पद्धतीने सादर केला आहे. त्यावर ‘हरे राम, हरे राम, राम राम, हरे हरे’ असे लिहिलेले आहे आणि श्रीकृष्ण बासरी वाजवताना दिसत आहेत. हा छोटासा घटक संपूर्ण लूकला केवळ एक फॅशन स्टेटमेंट न बनवता, एक सांस्कृतिक सादरीकरण बनवत आहे. याशिवाय, तिने हातात एक छोटी गीता घेऊन आपला लूक पूर्ण केला आहे.
