बाळकृष्ण दोशी यांना रॉयल गोल्ड मेडल

बाळकृष्ण दोशी यांना रॉयल इन्स्टिट्यूट ऑफ ब्रिटिश आर्किटेक्ट्स (RIBA) तर्फे २०२२ मध्ये रॉयल गोल्ड मेडल प्राप्त होणार आहे. हा आर्क्टिटेक्ट क्षेत्रातील जगातील सर्वोच्च सन्मान आहे. ९४ व्या वर्षी, दोशी यांना त्यांच्या सात दशकांच्या कारकिर्दीनंतर हा सन्मान मिळणार आहे. बाळकृष्ण दोशी हे त्यांनी बांधलेल्या शंभरहून अधिक प्रकल्पांमुळे संपूर्ण भारतात त्यांना ओळखले जातात. २०२२ मध्ये एका विशेष समारंभात दोशी यांना हा पुरस्कार प्रदान करण्यात येणार आहे.
दोशी म्हणाले, इंग्लंडच्या राणीकडून रॉयल गोल्ड मेडल एवढा मोठा सन्मान मिळाल्याने मला खूप आनंद झाला आहे.

या पुरस्काराच्या बातमीने १९५३ मध्ये माझे गुरु ले कॉर्बुझियरसोबत काम करतानाच्या माझ्या आठवणी ताज्या झाल्या. आज, सहा दशकांनंतर, माझे गुरू, ले कॉर्बुझियर यांना मिळालेला हाच सन्मान मला सहा दशकानंतर मिळाल्याने मला खरोखरच अभिमान वाटत आहे. मी माझी पत्नी, माझ्या मुली आणि सर्वात महत्त्वाचे म्हणजे माझा संघ माझ्या स्टुडिओमधील माझी टीम आणि सहयोगी यांचे मनापासून आभार मानू इच्छितो, असे ते म्हणाले.

हे ही वाचा:

बिपिन रावत यांच्या निधनावर आक्षेपार्ह पोस्ट टाकणाऱ्यांवर होणार कारवाई

तमिळ दिगदर्शक अली अकबर का सोडत आहेत इस्लाम?

‘एसटी संप चिघळवून जमिनीची विल्हेवाट लावण्याचा डाव दिसतोय’

एमआयएमची तिरंगा रॅली मुंबईच्या दिशेने

त्याच्या प्रकल्पांमध्ये प्रशासकीय आणि सांस्कृतिक सुविधा, गृहनिर्माण विकास आणि निवासी इमारतींचा समावेश आहे. ते त्यांच्या दूरदर्शी शहरी नियोजन आणि सामाजिक गृहनिर्माण प्रकल्पांसाठी तसेच भारतात आणि जगभरातील विद्यापीठांमध्ये व्हिजिटिंग प्रोफेसर म्हणून त्यांच्या शैक्षणिक कार्यासाठी आंतरराष्ट्रीय स्तरावर प्रसिद्ध झाले आहेत.

रॉयल इन्स्टिटयूट ऑफ ब्रिटिश आर्क्टिटेक्ट (RIBA) चे अध्यक्ष सायमन ऑलफोर्ड म्हणाले, २०२२ चे रॉयल गोल्ड मेडलिस्ट म्हणून बाळकृष्ण दोशी यांची निवड करण्याचा सन्मान अध्यक्ष म्हणून मला मिळणे ही माझ्यासाठी आनंदाची बाब आहे . बाळकृष्ण दोशी यांचे स्थापत्य कलेतील अतुलनीय योगदान, बांधकाम कला आणि नागरी रचनेचा सराव यामुळे ते या पुरस्काराचे सर्वात योग्य प्राप्तकर्ता म्हणून निवड झाले आहे. मी त्यांना पुढील वर्षी पदक प्रदान करण्यासाठी खूप उत्सुक आहे.

पंतप्रधान नरेंद्र मोदींनी ट्विट करून त्यांचे अभिनंदन केले आहे. ट्विट मध्ये मोदी म्हणाले, ” प्रतिष्ठित वास्तुविशारद श्री बाळकृष्ण दोशीजी यांच्याशी बोललो आणि रॉयल गोल्ड मेडल २०२२ बहाल केल्याबद्दल त्यांचे अभिनंदन केले. वास्तुशास्त्राच्या जगात त्यांचे योगदान अतुलनीय आहे. त्यांची सर्जनशीलता, वेगळेपण आणि वैविध्यपूर्ण स्वभाव यासाठी त्यांची कामे जागतिक स्तरावर प्रशंसनीय आहेत. ”

१९२७ मध्ये पुण्यात, फर्निचर निर्मात्यांच्या एका विस्तारित कुटुंबात जन्मलेले बाळकृष्ण दोशी यांनी जेजे स्कूल ऑफ आर्किटेक्चर, बॉम्बे येथे शिक्षण घेतले, त्यांनी पॅरिसमध्ये चार वर्षे वरिष्ठ डिझायनर म्हणून काम केले आहे.