ब्रिटनमधील वेस्ट मिडलँड्समध्ये भारतीय वंशाच्या महिलेवर बलात्कार

ब्रिटनमधील वेस्ट मिडलँड्समध्ये एका २० वर्षीय भारतीय वंशाच्या महिलेवर बलात्कार झाल्याचा आरोप आहे. वेस्ट मिडलँड्स पोलिसांच्या म्हणण्यानुसार, महिलेवर तिच्या वांशिक ओळखीमुळे बलात्कार करण्यात आला. “एका तरुणीवर झालेला अत्यंत भयावह हल्ला होता आणि जबाबदार व्यक्तीला अटक करण्यासाठी आम्ही शक्य तितके सर्वतोपरी प्रयत्न करत आहोत,” असे तपासाचे निरीक्षण करणारे वरिष्ठ पोलिस अधिकारी रोनन टायरर यांनी सांगितले.

शनिवारी वॉल्सॉलच्या पार्क हॉल परिसरात एका महिलेवर लैंगिक अत्याचार झाल्यानंतर ती रस्त्याच्या मधोमध बसलेली असल्याची बातमी मिळाल्यावर पोलिस तेथे गेले तेव्हा ही घटना उघडकीस आली. सीसीटीव्ही फुटेजवरून, वेस्ट मिडलँड्स पोलिसांनी गुन्हेगाराचा शोध घेण्याच्या प्रयत्नात त्याचा फोटो जारी केला. त्यांनी स्थानिक रहिवाशांना आरोपीला शोधण्यासाठी अधिकाऱ्यांना सहकार्य करण्याचे आवाहनही केले आहे.

अधिकाऱ्यांचे पथक पुरावे गोळा करत असून हल्लेखोराचे प्रोफाइल तयार करत आहोत जेणेकरून त्याला लवकरात लवकर ताब्यात घेता येईल. सध्या चौकशी करत असून त्या परिसरात संशयास्पदपणे वागणाऱ्या व्यक्तीला कोणी पाहिले असेल तर त्याची माहिती मिळणे अत्यंत महत्त्वाचे आहे, असे टायरर पुढे म्हणाले. कदाचित तुम्ही त्या परिसरातून गाडी चालवत असाल आणि तुमच्याकडे डॅशकॅम फुटेज असेल किंवा तुमच्याकडे सीसीटीव्ही असेल जे आम्हाला अद्याप मिळालेले नाही. तर, तुमची माहिती आम्हाला तपासासाठी अत्यंत महत्त्वाची ठरू शकते, असे त्यांनी पुढे म्हटले.

घटनेचा निषेध करताना, कोव्हेंट्री साउथच्या संसद सदस्या (एमपी) झराह सुलताना यांनी एक्स वर लिहिले की, “शनिवारी, वॉल्सॉलमध्ये एका वंशवादी हल्ल्यात पंजाबी वंशाच्या महिलेवर बलात्कार झाला. गेल्या महिन्यात, ओल्डबरीमध्ये एका वंशवादी हल्ल्यात एका शीख महिलेवर बलात्कार झाला. हे भयानक हल्ले दर्शवितात की फॅसिझम आणि द्वेषाच्या उदयामुळे वंशवाद आणि महिलांबद्दलचा द्वेष एकमेकांना कसा पोसतो. एक महिला म्हणून, मला माहित आहे की हा धोका किती वास्तविक आणि भयावह आहे. आपण एकत्र उभे राहिले पाहिजे. वंशवाद, फॅसिझम आणि महिलांबद्दलचा द्वेष आणि समानता, न्याय आणि एकतेवर बांधलेल्या समाजवादी समाजासाठी लढले पाहिजे.”

हे ही वाचा :

भारतासोबतचे संबंध बिघडवून पाकिस्तानशी मैत्री नाही!

नालासोपाऱ्यात एमडी ड्रग्ज फॅक्टरी उध्वस्त ; १४ कोटींचा माल जप्त, पाच जणांना अटक

भारताने ६० बांगलादेशींना परत पाठवले: ६ ट्रान्सजेंडरचा समावेश!

पाकिस्तानने सलमान खानला ‘दहशतवादी’ घोषित केले!

सत्ताधारी कामगार पक्षाच्या खासदार प्रीत कौर गिल यांनीही या घटनेचा निषेध केला आणि ही घटना अत्यंत धक्कादायक असल्याचे म्हटले. वॉल्सॉलमध्ये या वेळी आणखी एका वांशिक बलात्काराची घटना ऐकायला मिळत आहे हे पाहून मला खूप धक्का बसला आणि दुःख झाले, असे त्यांनी एक्सवर लिहिले.