टोरंटो विद्यापीठाच्या स्कारबोरो कॅम्पसजवळ २० वर्षीय भारतीय विद्यार्थ्यावर गोळीबार करण्यात आला, ज्यात त्याचा मृत्यू झाला. या घटनेनंतर कॅनेडियन पोलिसांनी हल्लेखोराचा शोध सुरू केला असून, घटनेशी संबंधित माहिती देण्याचे आवाहन नागरिकांना केले आहे. या घटनेवर भारतीय अधिकाऱ्यांनी तीव्र प्रतिक्रिया व्यक्त केली आहे. टोरंटो येथील भारताच्या महावाणिज्य दूतावासाने शिवांक अवस्थी यांच्या मृत्यूबद्दल तीव्र दुःख व्यक्त करत कुटुंबाला पूर्ण सहकार्य देत असल्याचे सांगितले आहे.
मृत व्यक्तीची ओळख शिवांक अवस्थी अशी झाली असून, ते कॅनडामध्ये डॉक्टरेट (पीएचडी)चे शिक्षण घेत असलेले भारतीय नागरिक होते. टोरंटो पोलिसांच्या माहितीनुसार, मंगळवारी दुपारी त्यांना गोळी लागलेल्या अवस्थेत आढळून आले. यंदा टोरंटो शहरातील ही ४१ वी हत्या आहे.
टोरंटो पोलिसांनी अधिकृत निवेदनात सांगितले, “मंगळवारी दुपारी सुमारे ३.३४ वाजता हायलँड क्रीक ट्रेल आणि ओल्ड किंग्स्टन रोड परिसरातून एका अज्ञात व्यक्तीने घटनेची माहिती दिली. पोलिस घटनास्थळी पोहोचले असता, युवकाला गोळी लागलेली असल्याचे आढळले. त्याला घटनास्थळीच मृत घोषित करण्यात आले.”
पोलिसांनी या प्रकरणासंदर्भात माहिती असलेल्या नागरिकांनी 416-808-7400 या क्रमांकावर, किंवा गुप्तपणे 416-222-TIPS (8477) वर, तसेच www.222tips.com या संकेतस्थळावर संपर्क साधावा, असे आवाहन केले आहे.
टोरंटो येथील भारताच्या महावाणिज्य दूतावासाने ‘एक्स’वर म्हटले आहे, “टोरंटो स्कारबोरो कॅम्पस विद्यापीठाजवळ झालेल्या गोळीबारात तरुण भारतीय पीएचडी विद्यार्थी शिवांक अवस्थी यांच्या मृत्यूबद्दल आम्ही तीव्र दुःख व्यक्त करतो. या कठीण काळात दूतावास शोकसंतप्त कुटुंबाच्या संपर्कात असून, स्थानिक अधिकाऱ्यांसोबत समन्वय साधून सर्व आवश्यक मदत पुरवत आहे.”
हे ही वाचा:
‘बांगलादेशी’ असल्याच्या संशयावरून बंगालमधील स्थलांतरित कामगाराची हत्या
‘वीर बाल दिवस शूर साहिबजाद्यांच्या बलिदानाच्या स्मरणार्थ समर्पित’
भारत काय बोलतो हे जग कान उघडून ऐकते
यूनस यांनाही चड्डी- बनियानवर पळावे लागणार
ही घटना टोरंटोमध्ये आणखी एका भारतीय नागरिक हिमांशी खुराना (३०) यांच्या हत्येनंतर काहीच दिवसांत घडली आहे. त्यामुळे आंतरराष्ट्रीय विद्यार्थी आणि रहिवाशांच्या सुरक्षिततेबाबत नव्या चिंता निर्माण झाल्या आहेत. मागील आठवड्यात ३० वर्षीय हिमांशी खुराना या स्ट्रॅचन अव्हेन्यू आणि वेलिंग्टन स्ट्रीट वेस्ट परिसरातून बेपत्ता झाल्याची तक्रार दाखल झाल्यानंतर एका दिवसात एका निवासस्थानी मृत आढळून आल्या होत्या.
तपासानंतर टोरंटो पोलिसांनी ३२ वर्षीय टोरंटो रहिवासी अब्दुल गफूरी याच्याविरुद्ध अटक वॉरंट जारी केले असून, हिमांशी खुराना यांच्या मृत्यू प्रकरणात त्याच्यावर प्रथम श्रेणी (फर्स्ट-डिग्री) हत्येचा आरोप ठेवण्यात आला आहे.
