पद्म पुरस्कारांची घोषणा; ४५ मान्यवरांचा सन्मान

केंद्र सरकारने प्रजासत्ताक दिनाच्या पूर्वसंध्येला २०२६ सालच्या पद्म पुरस्कारांची घोषणा केली आहे. यंदा देशभरातील विविध क्षेत्रांत उल्लेखनीय कार्य करणाऱ्या एकूण ४५ मान्यवरांना पद्म पुरस्कारांनी सन्मानित करण्यात येणार आहे. समाजसेवा, लोककला, कृषी, शिक्षण, आरोग्य, संस्कृती, कला आणि साहित्य आदी क्षेत्रांतील योगदानाची दखल घेत हा सन्मान जाहीर करण्यात आला आहे.

पद्म पुरस्कार हे भारतातील सर्वोच्च नागरी सन्मानांपैकी एक मानले जातात. पद्मविभूषण, पद्मभूषण आणि पद्मश्री असे या पुरस्कारांचे तीन प्रकार असून पद्मश्री हा देशातील चौथा सर्वोच्च नागरी पुरस्कार आहे. आपल्या क्षेत्रात सातत्यपूर्ण आणि प्रेरणादायी कार्य करणाऱ्या व्यक्तींना हा पुरस्कार प्रदान केला जातो.

हे ही वाचा:
‘चलता है’ किंवा ‘होईल’चा काळ संपला!

भारत–युरोपियन संघ मुक्त व्यापार करार

यंदाच्या पुरस्कार यादीत महाराष्ट्रातील मान्यवरांचा समावेश झाल्याने राज्याचा गौरव वाढला आहे. लोककला आणि सांस्कृतिक क्षेत्रातील योगदानासाठी रघुवीर खेडकर यांना पद्मश्री पुरस्कार जाहीर झाला आहे. लोकनाट्य आणि तमाशा या पारंपरिक कलेच्या जतन व संवर्धनासाठी त्यांनी आयुष्यभर केलेल्या कार्याची दखल या सन्मानाच्या माध्यमातून घेण्यात आली आहे.

कृषी क्षेत्रातील भरीव योगदानासाठी श्रीरंग देवबा लाड यांनाही पद्मश्री पुरस्काराने सन्मानित करण्यात येणार आहे. आधुनिक शेती पद्धतींचा अवलंब, शेतकऱ्यांचे मार्गदर्शन आणि ग्रामीण विकासासाठी त्यांनी केलेले कार्य उल्लेखनीय ठरले आहे.

तसेच आदिवासी आणि लोकसंगीत क्षेत्रात मोलाचे योगदान देणारे भिकल्या लाडक्या ढिंका यांनाही पद्मश्री जाहीर झाला आहे. वारली लोककला आणि पारंपरिक संगीत जपण्यासाठी त्यांनी केलेले प्रयत्न आजच्या पिढीसाठी प्रेरणादायी मानले जात आहेत. सामाजिक आणि सांस्कृतिक क्षेत्रातील सेवेसाठी आर्मिदा फर्नांडीस यांचाही यंदाच्या यादीत समावेश आहे.

केंद्र सरकारकडून जाहीर करण्यात आलेले हे पुरस्कार संबंधित मान्यवरांच्या दीर्घकालीन कार्याची पावती असून, समाजासाठी समर्पित भावनेने काम करणाऱ्या व्यक्तींना राष्ट्रीय स्तरावर ओळख मिळवून देणारे आहेत.

पद्म पुरस्काराने सन्मानित

भगवंदास रायकर – लोककला / पारंपरिक गायन

ब्रिज लाल भट्ट – लोकसंस्कृती संवर्धन

चरण हेम्ब्रम – आदिवासी समाजकार्य

चिरंजी लाल यादव – समाजसेवा

डॉ. पद्मा गुरमेट – शिक्षण

कोल्लक्कयिल देवकी अम्मा – पारंपरिक औषधोपचार

महेंद्र कुमार मिश्रा – लोककला

नरेश चंद्र देव वर्मा – समाजकार्य

ओथूवर तिरुथानी – धार्मिक गायन

रघुपत सिंह – पारंपरिक क्रीडा

राजस्तापति कालीअप्पा गौंडर – शेती व जलसंवर्धन

सांग्युसांग एस. पोंगेनर – सेंद्रिय शेती

थिरुवरूर बख्तवसलम – समाजसेवा

अंके गौड़ा – पारंपरिक शेती

डॉ. श्याम सुंदर – आयुष / वैद्यकीय सेवा

गफरुद्दीन मेवर्ती – लोकसंगीत

खेम राज सुंद्रीयाल – लोकसंस्कृती

मीर हाजीभाई कसामभाई – समाजसेवा

मोहन नगर – आदिवासी कल्याण

नीलेश मंडलेवाला – हस्तकला

आर एंड एस गोडबोले – लोकसाहित्य

राम रेड्डी ममिडी – सामाजिक सुधार

सिमांचल पात्रो – लोककला

सुरेश हनागवाड़ी – शिक्षण

तेची गूबिन – लोकसंस्कृती

युनम जत्रा सिंह – पारंपरिक मार्शल आर्ट

बुधरी ताथी – आदिवासी कला

डॉ. कुमारासामी थंगाराज – वैद्यकीय संशोधन

डॉ. पुण्णियामूर्ति नटेासन – सिद्ध वैद्यक

हैली वॉर – समाजकार्य

इंदरजीत सिंह सिद्धू – क्रीडा विकास

के. पाजनिवेल – हातमाग उद्योग

कैलाश चंद्र पंत – लोकसंगीत

नुरुद्दीन अहमद – लोकसंस्कृती

पोकीला लेकटेपी – आदिवासी कल्याण

आर. कृष्णन – शास्त्रीय वाद्यसंगीत

एस. जी. सुशीलेम्मा – लोककला

टागा राम भील – आदिवासी समाजकार्य

विश्व बंधु – लोकसाहित्य

धर्मिकलाल चूनीलाल पांड्या – लोककला

शफी शौक़ – साहित्य