इस्लामी जमावाची संगीत कार्यक्रमावर दगडफेक; २० जण जखमी

बांगलादेशमध्ये सातत्याने हिंसाचाराच्या घटना घडत असून अल्पसंख्यांकांना विशेषतः हिंदूंना लक्ष्य करण्यात येत आहे. अशातच आणखी एका घटनेत इस्लामी गटाने संगीत कार्यक्रमावर हल्ला केल्याची घटना समोर आली आहे. बांगलादेशातील एका ऐतिहासिक शाळेच्या वर्धापनदिनानिमित्त शुक्रवारी रात्री उशिरा इस्लामी जमावाने प्रसिद्ध रॉक संगीतकार जेम्स यांच्या संगीत कार्यक्रमावर हल्ला केल्यानंतर गोंधळ उडाला, ज्यामुळे आयोजकांना अचानक कार्यक्रम रद्द करावा लागला आणि या घटनेत २० लोक जखमी झाले.

बांगलादेशातील प्रसिद्ध रॉकस्टार म्हणून ओळखले जाणारे जेम्स फरीदपूर जिल्हा शाळेच्या १८५ व्या वर्धापन दिनानिमित्त आयोजित सांस्कृतिक कार्यक्रमात सादरीकरण करणार होते. हजारो विद्यार्थी आणि माजी विद्यार्थ्यांनी उपस्थित असलेला हा कार्यक्रम सुरू होण्याच्या काही मिनिटांपूर्वीच रद्द करण्यात आला. हल्लेखोरांनी कार्यक्रमस्थळी घुसून विटा फेकल्या आणि स्टेज ताब्यात घेण्याचा प्रयत्न केला.

अधिकारी आणि प्रत्यक्षदर्शींच्या मते, जेम्स रात्री ९:३० वाजता फरीदपूर जिल्ह्यातील शाळेच्या कॅम्पसमध्ये स्टेजवर जाणार होते. काही क्षण आधी, बाहेरील लोकांच्या एका गटाने जबरदस्तीने कार्यक्रमस्थळी घुसण्याचा प्रयत्न केला. सुरक्षा कर्मचारी आणि आयोजकांनी त्यांना रोखले तेव्हा ते हिंसक झाले. जमावाकडून स्टेज आणि प्रेक्षकांवर विटा आणि दगडफेक करण्यात आली, ज्यामुळे संपूर्ण परिसरात भीतीचे वातावरण निर्माण झाले होते. जखमी झालेल्यांमध्ये बहुतेक शाळेतील विद्यार्थी होते जे कार्यक्रमस्थळाच्या समोर जमले होते.

दगडफेकीच्या घटनेमुळे अनेकांच्या डोक्याला आणि हातपायांना दुखापत झाली. विद्यार्थ्यांनी हल्लेखोरांना प्रतिकार केल्याचे वृत्त आहे आणि अखेर तणावपूर्ण परिस्थितीत त्यांना कॅम्पसमधून परत हाकलण्यात आले. परिस्थिती बिघडताच जिल्हा प्रशासनाने हस्तक्षेप केला. रात्री १० वाजण्याच्या सुमारास, आयोजन समितीचे निमंत्रक डॉ. मुस्ताफिजुर रहमान शमीम यांनी कायदा आणि सुव्यवस्थेच्या चिंतेचे कारण देत फरीदपूर जिल्हा प्रशासनाच्या सूचनांनुसार संगीत कार्यक्रम रद्द करण्यात येत असल्याची घोषणा केली.

हेही वाचा..

मुलुंडमध्ये ‘डिजिटल अटक’चा सापळा; निवृत्त कर्मचाऱ्याची २.०४ कोटींची सायबर फसवणूक

स्टार्क आऊट की नॉटआऊट?

देशाच्या स्वातंत्र्यात अनेकांचे योगदान

चाकू हल्ला करून ‘अज्ञात’ द्रव फवारला; १४ जण जखमी

या गोंधळातून जेम्स थोडक्यात बचावला आणि सुरक्षा कवचात त्याला कार्यक्रमस्थळापासून दूर नेण्यात आले. कलाकार किंवा त्याच्या बँड सदस्यांना कोणतीही दुखापत झाल्याचे वृत्त नाही. संगीत कार्यक्रम रद्द झाल्यानंतर पोलिसांनी परिसरात मोठा बंदोबस्त ठेवला होता आणि रात्री उशिरा परिस्थिती नियंत्रणात आणण्यात आली. या प्रकरणात कोणाला अटक झाल्याची माहिती अद्याप समोर आलेली नाही.