“बांगलादेशात हिंदूंवर कोणताही हिंसाचार नाही, ही भारतीय बनावट बातमी आहे”

ते पुढे म्हणाले, “सीमावाद, जमिनीच्या मालकीचे प्रश्न आणि स्थानिक तणाव या सर्व गोष्टी सामान्य असतात. परंतु त्यांना जातीय किंवा धार्मिक रंग देणे चुकीचे आहे. हे काही संघटित किंवा सरकारप्राय हिंसाचार नव्हते.” गेल्या वर्षी शेख हसीना सरकार पडल्यानंतर बांगलादेशात हिंदूंविरुद्ध कथितरित्या झालेल्या जातीय हिंसाचाराबाबत अनेक आंतरराष्ट्रीय अहवाल प्रसिद्ध झाले होते. मात्र, युनूस यांनी हे सर्व अहवाल आणि दावे फेटाळून लावले.

“सरकार या बाबतीत अतिशय सतर्क आहे, कारण भारताकडून नेहमीच दबाव आणण्याचा प्रयत्न होतो,” असे त्यांनी नमूद केले. अमेरिकेचे माजी अध्यक्ष डोनाल्ड ट्रम्प यांनी युनूस सरकारवर टीका करत बांगलादेशातील हिंदूंवरील वागणुकीला “क्रूर” म्हटल्याच्या प्रश्नावर प्रतिक्रिया देताना युनूस म्हणाले, “डोनाल्ड ट्रम्प यांनी खरंच असं काही म्हटलं होतं का? आणि त्यांना खरोखर माहिती आहे का की बांगलादेशात काय चालू आहे?”

गेल्या नोव्हेंबरमध्ये सुमारे ३०,००० हिंदूंनी ढाक्यातील रस्त्यांवर मोर्चा काढला आणि युनूस यांच्यावर वारंवार होणारे हल्ले आणि छळापासून संरक्षण मिळावे अशी मागणी केली. त्यांनी सरकारला हिंदू नेत्यांवरील देशद्रोहाचे आरोप मागे घेण्याची विनंती केली, ज्यात भिक्षू चिन्मय कृष्ण दास यांचाही समावेश होता , ज्यांच्या अटकेमुळे भारतातही खळबळ उडाली होती.

युनूस यांनी बांगलादेशातील हिंदूंना स्वतःला फक्त हिंदू म्हणून न पाहता बांगलादेशी नागरिक म्हणून पाहण्याचे आवाहन केले जेणेकरून त्यांना “एकटे” वाटू नये.

हे ही वाचा :

“एक समुदाय म्हणून, किंवा समुदाय नेत्यांच्या गटांद्वारे जेव्हा मी त्यांना भेटतो, तेव्हा माझा संदेश असतो — मागे जाऊन असं म्हणू नका की, ‘मी हिंदू आहे, म्हणून माझं रक्षण करा.’ त्याऐवजी नेहमी म्हणा की, ‘मी या देशाचा नागरिक आहे. मला सर्व प्रकारचं संरक्षण मिळण्याचा अधिकार आहे, आणि राज्याने ते मला द्यायलाच हवं.’ अशा पद्धतीने तुमच्याकडे अधिक मजबूत संरक्षण असेल,” असे युनूस यांनी सांगितले.