श्रद्धा वालकर हत्या प्रकरणाबाबत केंद्रीय गृहमंत्री अमित शहा यांचे वक्तव्य समोर आले आहे. श्रद्धा प्रकरणातील दोषींना सोडले जाणार नाही, त्यांना लवकरात लवकर शिक्षा होईल, असे केंद्रीय गृहमंत्र्यांनी स्पष्टपणे सांगितले आहे. यासोबतच दिल्ली आणि मुंबई पोलीस या प्रकरणाचा तपास करत असल्याचे त्यांनी सांगितले. दोन्ही राज्यातील पोलिसांमधील समन्वयावरही आम्ही लक्ष ठेवून आहोत.
केंद्रीय गृहमंत्री अमित शाह यांनी श्रद्धा वालकर हत्याकांडातील आरोपींना सोडले जाणार नसल्याचे सांगितले. कमीत कमी वेळात दोषींना कठोर शिक्षा होईल. मी संपूर्ण प्रकरणावर लक्ष ठेवून आहे. ते म्हणाले की, मी देशातील जनतेला आश्वासन देऊ इच्छितो की, ज्या कोणी हे कृत्य केले आहे त्यांना कमीत कमी वेळेत न्याय मिळवून दिला जाईल.
हे ही वाचा:
उद्धव ठाकरे राज्यपालांवर घसरले!
एअर इंडियाच्या विमानातील कर्मचाऱ्यांना टिकली, बांगडीबद्दल सूचना
पोलिस भरतीची तयारी विसरून तो चोर बनला!
श्रद्धा वालकर हिने आफताबविरोधात दोन वर्षांपूर्वी नालासोपारा येथील तुळींज पोलिस ठाण्यात तक्रार केली होती. ज्यामध्ये त्याने म्हटले आहे की, आफताबने आपल्याला जीवे मारण्याची धमकी दिली आहे. एवढेच नाही तर आफताबला तिचे तुकडे करायचे होते, असेही तक्रारीत लिहिले होते. मात्र, पोलिसांनी हे प्रकरण गांभीर्याने घेतले नाही. त्यानंतर आता पोलिसांवरच प्रश्न उपस्थित होत आहेत. श्रद्धाच्या तक्रारीचे पत्रही तुळींज पोलीस ठाण्यात देण्यात आले, त्यानंतर या प्रकरणाला वेग आला. मात्र, महाराष्ट्र पोलिसांनीही या प्रकरणाच्या चौकशीचे आदेश दिले आहेत.
