भारत आणि पाकिस्तान यांच्यातील वाढत्या तणावाच्या पार्श्वभूमीवर अमेरिकन राजदूत मार्को रुबियो आणि भारताचे परराष्ट्र मंत्री एस जयशंकर यांनी संवाद साधला. भारत आणि पाकिस्तानमधील संघर्ष परिस्थिती कमी करण्याची गरज असल्याची गरज मार्को रुबियो यांनी अधोरेखित केली. परराष्ट्र मंत्री एस जयशंकर यांच्याशी बोलताना, अमेरिकेचे परराष्ट्र मंत्री मार्को रुबियो यांनी म्हटले आहे की, भारत आणि पाकिस्तान दोघांनाही तणाव कमी करण्यासाठी योग्य पद्धत ओळखण्याची आवश्यकता आहे.
एस जयशंकर यांनी म्हटले आहे की, “आज सकाळी अमेरिकन राजदूत मार्को रुबियो यांच्याशी चर्चा झाली. भारताचा दृष्टिकोन नेहमीच मोजमापाचा आणि जबाबदार राहिला आहे. पुढेही तसाच राहील,” असे जयशंकर यांनी स्पष्ट केले आहे. डोनाल्ड ट्रम्प प्रशासनातील प्रमुख व्यक्ती असलेल्या रुबियो यांनी आदल्या दिवशी पाकिस्तानचे लष्करप्रमुख जनरल असीम मुनीर यांनाही रुबियो यांनी भारतासोबत चर्चा करण्याचा मार्ग सुचवला.
रुबियो-जयशंकर यांचा हा फोन अशा वेळी झाला जेव्हा भारताच्या पश्चिम सीमेवरून इस्लामाबादने देशातील नागरी भागांना लक्ष्य करण्यासाठी केलेल्या बेजबाबदार आणि भ्याड कृत्याची आणि तीन हवाई तळांवर झालेल्या अयशस्वी हल्ल्यांची माहिती समोर आली आहे.
दरम्यान, रुबियो यांनी एका आठवड्यात एस जयशंकर यांच्याशी दुसऱ्यांदा चर्चा केली. या आठवड्याच्या सुरुवातीला त्यांनी भारतीय परराष्ट्रमंत्र्यांशी झालेल्या फोनवरून तणाव कमी करण्याच्या गरजेवर भर दिला होता. पाकिस्तानचे पंतप्रधान शेहबाज शरीफ यांच्याशी स्वतंत्रपणे बोलताना त्यांनी पुन्हा एकदा सांगितले होते की इस्लामाबादने दहशतवादी गटांना मिळणारे कोणतेही समर्थन बंद करण्यासाठी ठोस पावले उचलली पाहिजेत.
हे ही वाचा :
पाकिस्तानकडून खोट्या बातम्यांचा मारा; हवाई दलाच्या तळाचे बनावट फोटो
बीएसएफची कारवाई; सियालकोटमधील लूनी येथील दहशतवादी लाँच पॅड उध्वस्त
पाकिस्तानच्या गोळीबारात राजौरीच्या अतिरिक्त जिल्हा आयुक्तांचा मृत्यू
उत्तर, पश्चिम भारतातील ३२ विमानतळांवरील नागरी उड्डाणे स्थगित; कधीपर्यंत राहणार बंदी?
राष्ट्राध्यक्ष ट्रम्प यांनीही दोन्ही देशांना तणाव कमी करण्यास प्रोत्साहित केले होते. व्हाईट हाऊसच्या प्रेस सेक्रेटरी कॅरोलिन लेविट यांनी यापूर्वी म्हटले होते की, ओव्हल ऑफिसचा पदभार स्वीकारण्यापूर्वीपासून, दोन्ही देश दशकांपासून एकमेकांशी मतभेदात आहेत हे राष्ट्रपतींना समजते आणि त्यांना ते तणाव कमी होताना पहायचे आहे.
