ठाकरे सरकार कुरार मेट्रो स्थानकासाठी मराठी माणसाच्या घरांवर बुलडोझर फिरवल्याची घटना शनिवारी सकाळी साऱ्या महाराष्ट्राने पहिली. या घटनेनंतर ठाकरे सरकार विरोधात तीव्र प्रतिक्रिया उमटताना दिसत आहेत. ‘मराठी माणसांची घरे तोडणाऱ्या ठाकरे सरकारचा निषेध’ अशा घोषणा देत नागरिकांनी उद्धव ठाकरे सरकार विरोधात आपला रोष व्यक्त केला आहे. तर भाजपा आमदार अतुल भातखळकर यांनी ट्विटरच्या माध्यमातून ठाकरे सरकारवर हल्लाबोल केला आहे.
कुरार येथील मेट्रो स्थानकासाठी मराठी माणसाच्या घरांवर बुलडोझर फिरवण्याचे काम ठाकरे सरकारने केले आहे. या प्रसंगी आपली मुसळधार पावसात आपले घर वाचवण्यासाठी आक्रोश करणार्या आणि या कारवाईच्या आड येणाऱ्या नागरिकांना नागडे करून मारहाण करण्यात आल्याची माहिती समोर आली. तर या कारवाई विरोधात आवाज उठवणारे स्थानिक लोकप्रतिनिधी आमदार अतुल भातखळकर यांनाही पोलिसांनी अटक केली.
हे ही वाचा:
मुसळधार पावसात घरांवर बुलडोझर; नागरिक बेघर
२०२२ पर्यंत देशाच्या सर्व सीमांवर कुंपण पूर्ण होणार
मोदी-पवार भेट! कशासाठी झाली तासभर चर्चा?
ऑलिम्पिक स्पर्धेच्या ठिकाणी कोविडचा रुग्ण आढळला
पोलिसांच्या या सर्व कारवाई विरोधात भातखळकर हे चांगलेच आक्रमक झाले असून त्यांनी सरकारवर टीकास्त्र डागले आहे. ट्विटरच्या माध्यमातून त्यांनी ठाकरे सरकारवर तोफ डागली आहे. भातखळकर आपल्या ट्विटमध्ये म्हणतात “आयत्या पिठावर रेघोट्या आणि आयत्या बिळावर नागोबा…केंद्राचे पैसे, देवेंद्र फडणवीसांची मेहनत, आणि चमकोगिरी मेट्रोला कोलदांडा घालणाऱ्या मुख्यमंत्री उद्धव ठाकरे यांची”
आयत्या पिठावर रेघोट्या आणि आयत्या बिळावर नागोबा…
पैसे केंद्राचे, मेहनत @Dev_Fadnavis यांची आणि चमकोगिरी मेट्रोला कोलदांडा घालणाऱ्या मुख्यमंत्री @OfficeofUT यांची. त्यासाठी पोलीस बळाचा वापर करून तोडली गेली मराठी माणसांची घरं.— Atul Bhatkhalkar (@BhatkhalkarA) July 17, 2021
पुढे जाऊन भातखळकरांनी ठाकरे सरकारची ही कारवाई म्हणजे मोगलाई असल्याचे म्हटले आहे. तर या कारवाईतून ठाकरे सरकारचा खरा अत्याचारी चेहरा दिसला असेही ते म्हणाले. “हायकोर्टाने कोविड काळात घरे तोडण्यास मनाई केली आहे. तरीही पोलिसांनी बेकायदेशीरपणे बळजबरी करून तोडक कारवाई केली.” असे भातखळकरांनी म्हटले आहे. तर या प्रकरणात सोमवारी न्यायालयात दाद मागणार असल्याचेही त्यांनी म्हटले आहे.
ठाकरे सरकारची मोगलाई…
शुक्रवारी रात्री १२ वाजता नोटिसा देऊन आज सकाळी ९ च्या आधीच प्रचंड पोलीस बंदोबस्त लावून झोपड्यांवर कारवाई करण्यात आली. भर पावसात कारवाई सुरू करण्यात आली. लोकांना मारहाण करत घराच्याबाहेर काढलं. आम्ही त्याला विरोध केला. त्यामुळे आम्हाला ताब्यात घेतलं.— Atul Bhatkhalkar (@BhatkhalkarA) July 17, 2021
कुरारची कारवाई, ठाकरे सरकारचा अत्याचारी चेहरा दाखवणारी… हायकोर्टाने कोविड काळात घरे तोडण्यास मनाई केली आहे. तरीही पोलिसांनी बेकायदेशीरपणे बळजबरी करून तोडक कारवाई केली.
आम्ही सोमवारी पोलीस आणि इतरांविरोधात कोर्टाचा अवमान केल्याची याचिका दाखल करू.— Atul Bhatkhalkar (@BhatkhalkarA) July 17, 2021
