भारतीय जनता पार्टीच्या महाराष्ट्र उपाध्यक्षा चित्र वाघ महाराष्ट्रात महिलांवर होणाऱ्या अत्याचाराच्या घटनांवरून चांगलेच कडाडल्या आहेत. डोंबिवलीत झालेल्या बलात्काराच्या घटनेवरून त्या संतापल्या आहेत. यावरूनच त्यांनी शिवसेना खासदार आणि सामानाचे संपादक संजय राऊत यांच्यावर निशाणा साधला आहे. ट्विटरच्या माध्यमातून चित्र वाघ यांनी राऊतांवर टीकास्त्र डागले आहे.
गुरुवार, २३ सप्टेंबर रोजी डोंबिवली येथून बलात्काराचे एक धक्कादायक प्रकरण समोर आले आहे. एका पंधरा वर्षाच्या अल्पवयीन मुलीवर गेले नऊ महिने आळीपाळीने २९ जणांनी अत्याचार केला. ही घटना उघडकीस आल्यानंतर सारे राज्य सुन्न झाले आहे. तर पुन्हा एकदा राज्यातील महिला सुरक्षेचा प्रश्न ऐरणीवर आला आहे.
हे ही वाचा:
‘ऑकस’नंतर बायडन-मॅक्रॉन “मैत्रीपूर्ण” फोन
क्वाड लवकरच भारतात बनवणार एक अब्ज लसी
LIC IPO: एलआयसी आयपीओ मधून चीनी ‘कम’
भाजपाच्या महाराष्ट्र प्रदेश उपाध्यक्षा चित्र वाघ या घटनेची माहिती मिळताच डोंबिवली येथे पोहचल्या. तिथे जाऊन त्यांनी या प्रकरणाचा तपास करणाऱ्या मानपाडा पोलिस स्टेशन येथे जाऊन तपासाची माहिती घेतली. नंतर याच प्रकरणावरून चित्र वाघ यांनी आपला संताप व्यक्त केला असून शिवसेना नेते संजय राऊत यांच्यावर तोफ डागली आहे.
“सर्वज्ञानी संजय राऊतजी…डोंबिवलीत १४ वर्षीय मुलीवर ३३ नराधमांनी बलात्कार केल्याची घटना घडलीये कळलयं का आपल्याला ?? आता कुणाचं थोबाडं फोडायचं संजयजी ??? आहे का सरकारचं थोबाड फोडायची हिम्मत आपल्यात ??” असे चित्र वाघ यांनी म्हटले आहे.
सर्वज्ञानी संजय राऊतजी…
डोंबिवलीत १४ वर्षीय मुलीवर ३३ नराधमांनी बलात्कार केल्याची घटना घडलीये कळलयं का आपल्याला ??आता कुणाचं थोबाडं फोडायचं संजयजी ??? आहे का सरकारचं थोबाड फोडायची हिम्मत आपल्यात ??@rautsanjay61 @CMOMaharashtra @maharashtra_hmo @Dev_Fadnavis @AjitPawarSpeaks
— Chitra Kishor Wagh (@ChitraKWagh) September 23, 2021
