बसपाची जबाबदारी मायावतींनी आकाश आनंदऐवजी सोपवली दुसऱ्या पुतण्यावर

आकाश आनंद आणि त्यांच्या बहिणीला पक्षातील जबाबदाऱ्यांपासून दूर ठेवण्याचा घेतलेला निर्णय आता बदलला जाणार नाही, हेही मायावती यांनी स्पष्ट केले. मायावती यांनी सांगितले की, त्यांच्या कुटुंबाच्या विनंतीनंतर त्यांनी यापूर्वी आकाश आनंद यांना राजकारणात आणले होते. मात्र, विवाहानंतर त्यांच्या वर्तनामुळे आणि कारवायांमुळे त्यांना पुन्हा बहुजन समाज पक्षापासून दूर करावे लागले, असे त्यांनी म्हटले.

मायावती यांच्या म्हणण्यानुसार, आकाश आनंद हे त्यांचे सासरे अशोक सिद्धार्थ यांच्यात ‘पूर्णपणे गुंतले’ आहेत. त्यांना पुन्हा पक्षात आणणे म्हणजे ‘गंभीर विश्वासघात’ आणि ‘पक्षविरोधी चुकीचे कृत्य’ ठरेल, असे मायावती यांनी म्हटले. असे कृत्य त्या होऊ देणार नाहीत, असेही त्यांनी स्पष्ट केले.

हे ही वाचा:

विखे पाटील घराण्याची लेक स्वीडनच्या संसदेत

आशियाई क्रीडा स्पर्धेत भारतीय महिला क्रिकेट संघाची बांगलादेशवर मात

झारखंडचा ३० लाखांचे इनाम असलेला नक्षली ब्रजेश गंझूचे वाराणसीत एन्काऊंटर

कोस्टल रोडवरून खाली कोसळली भरधाव बीएमडब्ल्यू; तिघे मृत्युमुखी

या परिस्थितीमुळे आनंद कुमार यांच्या कुटुंबातील आणखी कोणाला पक्षात जबाबदारी द्यावी की नाही, याबाबत मायावती यांच्यासमोर पेच निर्माण झाला होता. या विषयावर विचार केल्यानंतर, आकाश आनंद ज्या मार्गावर गेला, त्याच मार्गावर जाऊ शकणाऱ्या कुटुंबातील कोणत्याही सदस्याला पुढे आणू नये, असा निर्णय घेतल्याचे मायावती यांनी सांगितले.

विवाहानंतर आकाश आनंद यांच्या बहिणीबाबतही अशीच परिस्थिती निर्माण होण्याची शक्यता असल्याचा उल्लेख त्यांनी केला. मायावती म्हणाल्या, ‘‘अशा शक्यतेचाही विचार करता आणि पक्षाच्या हितासाठी आता श्री आकाश आनंद आणि त्यांच्या बहिणीला पक्षातील कोणत्याही जबाबदारीपासून पूर्णपणे दूर ठेवणेच योग्य ठरेल.’’

मायावती यांनी सांगितले की, त्याऐवजी ईशान आनंद यांना बसपमध्ये ‘सन्मानजनक जबाबदारी’ दिली जाईल. आकाश आनंद किंवा त्यांच्या बहिणीसमोर ज्या प्रकारच्या अडचणी निर्माण झाल्या, त्या ईशान आनंद यांच्यासमोर निर्माण होणार नाहीत, असा आपला विश्वास असल्याचे मायावती यांनी सांगितले. मात्र, भविष्यात काय घडेल हे सांगता येत नाही, असेही त्यांनी स्पष्ट केले.

मायावती यांनी ईशान आनंद यांच्यासाठी एक अटही ठेवली आहे. त्यांनी कोणतेही ‘गंभीर पक्षविरोधी कृत्य’ केल्यास त्यांनाही बसपमधून हटवले जाईल, असे मायावती यांनी म्हटले. मात्र, अशी परिस्थिती निर्माण झाल्यास आनंद कुमार यांच्या कुटुंबातील अन्य कोणत्याही सदस्याला पक्षाची जबाबदारी दिली जाणार नाही, असेही मायावती यांनी स्पष्ट केले. त्याऐवजी बसपमध्ये आधीपासून कार्यरत असलेल्या ‘समर्पित आणि निष्ठावान दलित समाजातील कार्यकर्त्याला’ पुढे आणले जाईल, असे त्यांनी सांगितले.