पंतप्रधान नरेंद्र मोदी यांनी शनिवारी रायपूर येथे छत्तीसगडच्या नवीन विधानसभेचे उद्घाटन केले. त्यांनी सांगितले की, “आज जेव्हा छत्तीसगड आपल्या २५ वर्षांच्या प्रवासाच्या एका महत्त्वाच्या टप्प्यावर पोहोचला आहे, तेव्हा मला या नवीन विधानसभेचे लोकार्पण करण्याचे सौभाग्य लाभले आहे.” छत्तीसगडच्या जनतेला आणि राज्य सरकारला नवीन विधानसभेच्या उद्घाटनाच्या निमित्ताने शुभेच्छा देताना पंतप्रधान नरेंद्र मोदी म्हणाले, “छत्तीसगडची परिकल्पना, त्याच्या निर्मितीचा संकल्प आणि त्या संकल्पाची पूर्तता. या प्रत्येक टप्प्याचा मी साक्षीदार राहिलो आहे. छत्तीसगडच्या परिवर्तनाचा प्रत्येक क्षण माझ्यासाठी प्रेरणादायी आहे.”
ते पुढे म्हणाले, “छत्तीसगडच्या विकासयात्रेसाठी आजचा दिवस हा एक सुवर्ण प्रारंभाचा दिवस आहे. माझ्यासाठी व्यक्तिगतदृष्ट्या हा दिवस अत्यंत आनंदाचा आणि महत्त्वाचा आहे. माझे या भूमीशी अनेक दशकांपासून आत्मीय नाते आहे. कार्यकर्ता म्हणून मी छत्तीसगडमध्ये बराच काळ घालवला आहे. या भूमीने, येथील लोकांनी मला खूप काही शिकवले आहे. माझ्या जीवनाला घडविण्यात या भूमीचा आणि येथील लोकांचा मोठा आशीर्वाद आहे.”
हेही वाचा..
‘व्हाइट नाइट कॉर्प्स’ कडून वीर योद्ध्यांना सलाम
आंध्र प्रदेशातील वेंकटेश्वर स्वामी मंदिरात चेंगराचेंगरी; नऊ भाविकांचा मृत्यू
यूपीआय व्यवहारांच्या झपाट्याने वाढ
दहशतवादावर राष्ट्रीय सुरक्षा सल्लागार अजित डोवाल काय म्हणाले?
कार्यक्रमाला संबोधित करताना पंतप्रधान मोदी म्हणाले, “आज आपण या भव्य आणि आधुनिक विधानसभेचे लोकार्पण करत आहोत, हा फक्त एका इमारतीचा उद्घाटन समारंभ नाही, तर हा २५ वर्षांच्या जनआकांक्षा, जनसंघर्ष आणि जनगौरवाचा उत्सव आहे. आज छत्तीसगड आपल्या स्वप्नांच्या नव्या शिखरावर उभा आहे. या गौरवशाली क्षणी मी त्या महान पुरुषांना नमन करतो, ज्यांच्या दूरदृष्टीने आणि करुणेने या राज्याची स्थापना झाली. ते महान पुरुष म्हणजे भारतरत्न अटल बिहारी वाजपेयी.”
पंतप्रधान मोदी म्हणाले, “सन २००० मध्ये जेव्हा अटलजींनी छत्तीसगड राज्याची स्थापना केली, तेव्हा तो निर्णय फक्त प्रशासकीय नव्हता. तो निर्णय विकासाच्या नव्या वाटा खुल्या करण्याचा होता. तो निर्णय छत्तीसगडच्या आत्म्याला ओळख देण्याचा होता. म्हणूनच आज जेव्हा या भव्य विधानसभेसोबत अटलजींच्या पुतळ्याचे अनावरण झाले आहे, तेव्हा मन आपोआप म्हणते, अटलजी, जिथे कुठे असाल, पाहा, तुमचे स्वप्न आज साकार झाले आहे.”
