पंतप्रधान नरेंद्र मोदी यांचे रविवारी (स्थानिक वेळेनुसार) स्लोव्हाकियाची राजधानी ब्रातिस्लावा येथे आगमन झाले. यावेळी प्रसिद्ध लुचनिका एन्सेंबल या सांस्कृतिक समूहाने “वंदे मातरम्” सादर करून त्यांचे स्वागत केले. तसेच भारतीय वंशाच्या नागरिकांनीही त्यांचे उत्साहपूर्ण स्वागत केले.
Členovia súboru Lúčnica zaspievali počas privítania v Bratislave pieseň Vande Mataram.
Prichádza to v čase, keď si pripomíname 150 rokov od vzniku piesne Vande Mataram a jej významný prínos k dejinám Indie a k boju za jej slobodu. pic.twitter.com/SjRSBEnSug
— Narendra Modi (@narendramodi) June 15, 2026
स्लोव्हाकियाला १९९३ मध्ये स्वातंत्र्य मिळाल्यानंतर एखाद्या भारतीय पंतप्रधानांची ही पहिलीच भेट आहे. त्यामुळे भारत-स्लोव्हाकिया संबंधांमध्ये हा एक ऐतिहासिक टप्पा मानला जात आहे. भारताच्या परराष्ट्र व्यवहार मंत्रालयाने एक्सवरील पोस्टमध्ये म्हटले की, “पंतप्रधान नरेंद्र मोदी स्लोव्हाकियात दाखल झाले आहेत. स्लोव्हाकियाच्या स्वातंत्र्यानंतर भारतीय पंतप्रधानांची ही पहिलीच भेट असून ती भारत-स्लोव्हाकिया संबंधांसाठी ऐतिहासिक आहे.”
लुचनिका एन्सेंबलने पंतप्रधान मोदींसमोर “वंदे मातरम्” सादर केले. याच समूहाने २०२५ मध्ये राष्ट्रपती द्रौपदी मुर्मू यांच्या स्लोव्हाकिया भेटीदरम्यान भारतीय राष्ट्रगीतही सादर केले होते. या समूहातील एका सदस्याने सांगितले, “हा आमच्यासाठी खूप सुंदर अनुभव होता. पंतप्रधान अत्यंत नम्र आणि कृतज्ञ होते. यापूर्वी मला कधीही एखाद्या पंतप्रधानांसमोर सादरीकरण करण्याची संधी मिळाली नव्हती.”
दुसरी सदस्य इव्हा म्हणाली, “ते खूप नम्र होते. भारतीय लोक मला आवडतात कारण ते खूप दयाळू असतात. पंतप्रधान मोदी यांनी महादेवा कीर्तन प्रोजेक्ट या स्लोव्हाक संगीत समूहाचे आध्यात्मिक सादरीकरणही पाहिले. या समूहाचे संस्थापक आणि ड्रमवादक मारेक झिलिनेच यांनी या संधीबद्दल आनंद व्यक्त केला.
Projekt Mahadeva Kirtan Project je chvályhodnou iniciatívou, ktorá poukazuje na pretrvávajúce kultúrne putá medzi Indiou a Slovenskom.
Včera v Bratislave som bol svedkom vystúpenia tohto súboru. Je obdivuhodné, ako hlboko sa inšpirujú indickými duchovnými tradíciami,… pic.twitter.com/KmUH3zo3o3
— Narendra Modi (@narendramodi) June 15, 2026
हे ही वाचा:
मदरशातील शिक्षकासोबत लग्न ठरल्याने मुलीने संपवले जीवन
अमेरिका इराण करारानंतर सेन्सेक्स, निफ्टीत धमाका
अमेरिका- इराण शांतता करार पूर्ण! होर्मुझ सामुद्रधुनी आता खुली
अडखळलेला मान्सून पुन्हा घेणार वेग
ते म्हणाले, पंतप्रधानांसमोर सादरीकरण करणे हा आमच्यासाठी सन्मान होता. ही संधी दिल्याबद्दल ब्रातिस्लावातील भारतीय दूतावासाचे आभार. याशिवाय कोपानिचियारिक या प्रसिद्ध बाल लोकनृत्य समूहाने पारंपरिक स्लोव्हाक नृत्य सादर केले. मोदी यांच्या स्वागतासाठी मोठ्या संख्येने भारतीय वंशाचे लोक उपस्थित होते. पंतप्रधानांनी त्यांच्याशी संवाद साधला आणि भारत-स्लोव्हाकिया संबंध मजबूत करण्यातील त्यांच्या योगदानाचे कौतुक केले.
पंतप्रधान मोदी हे स्लोव्हाकियाचे पंतप्रधान रॉबर्ट फिको यांच्या निमंत्रणावरून भेट देत आहेत. या भेटीदरम्यान ते राष्ट्रपती पीटर पेलेग्रिनी यांचीही भेट घेणार आहेत. या चर्चांमध्ये व्यापार, गुंतवणूक, नवोन्मेष, वाहन उद्योग, रेल्वे विकास आणि इतर महत्त्वाच्या क्षेत्रांतील सहकार्य वाढवण्यावर भर दिला जाणार आहे. परराष्ट्र व्यवहार मंत्रालयाच्या मते, ही भेट भारताची स्लोव्हाकियासोबतचे द्विपक्षीय संबंध अधिक दृढ करण्याची वचनबद्धता अधोरेखित करेल आणि दोन्ही देशांतील अलीकडील उच्चस्तरीय संवादांना पुढे नेईल.