31 C
Mumbai
Friday, November 20, 2026
घरस्पोर्ट्सरोहित शर्माच्या विक्रमाशी ग्लेन फिलिप्सची बरोबरी

रोहित शर्माच्या विक्रमाशी ग्लेन फिलिप्सची बरोबरी

Google News Follow

न्यूझीलंडचा अष्टपैलू फलंदाज ग्लेन फिलिप्स याने भारताविरुद्धच्या कसोटी सामन्यात शतक झळकावत ऐतिहासिक कामगिरी केली आहे. वेलिंग्टन कसोटीच्या दुसऱ्या दिवशी फिलिप्सने ११८ धावांची शानदार खेळी केली. या शतकासह त्याने एकाच कॅलेंडर वर्षात भारताविरुद्ध कसोटी, एकदिवसीय आणि टी-२० अशा तिन्ही प्रकारांत शतक झळकावण्याचा विक्रम केला आहे. अशी कामगिरी करणारा तो जगातील दुसरा फलंदाज ठरला आहे.

यापूर्वी भारताचा माजी कर्णधार रोहित शर्मा याने २०१७ मध्ये श्रीलंकेविरुद्ध तिन्ही क्रिकेट प्रकारांत शतके झळकावण्याचा पराक्रम केला होता. आता फिलिप्सने त्याच्या या विक्रमाशी बरोबरी केली आहे.

फिलिप्सने जानेवारी २०२६ मध्ये इंदूर येथे भारताविरुद्ध झालेल्या एकदिवसीय सामन्यात १०६ धावा केल्या होत्या. त्यानंतर भारताविरुद्ध नुकत्याच झालेल्या मायदेशातील टी-२० मालिकेतील चौथ्या सामन्यात त्याने १०७ धावांची खेळी साकारली. आता वेलिंग्टन कसोटीत ११८ धावा करत त्याने या ऐतिहासिक कामगिरीवर शिक्कामोर्तब केले.

भारताविरुद्ध फिलिप्सची कामगिरी प्रभावी राहिली आहे. कसोटी क्रिकेटमध्ये चार सामन्यांच्या सहा डावांत त्याने एका शतकासह २३२ धावा केल्या आहेत. एकदिवसीय क्रिकेटमध्ये १६ सामन्यांच्या १२ डावांत एका शतकाच्या मदतीने ३४२ धावा केल्या आहेत. तर टी-२० क्रिकेटमध्ये २२ सामन्यांच्या २० डावांत एक शतक आणि पाच अर्धशतकांसह ६५७ धावा त्याच्या नावावर आहेत.

National Stock Exchange
spot_img

प्रतिक्रिया द्या

कृपया आपली टिप्पणी द्या!
कृपया येथे आपले नाव प्रविष्ट करा

The reCAPTCHA verification period has expired. Please reload the page.

आम्हाला follow करा

113,459चाहतेआवड दर्शवा
2,036अनुयायीअनुकरण करा
342,000सदस्य यादीसदस्य व्हा

इतर नवीनतम कथा