पॅरा आशियाई क्रीडा स्पर्धेत प्रणव देसाईला ब्रॉंझ

जपानमध्ये सुरू असलेल्या ‘पॅरा आशियाई क्रीडा स्पर्धा २०२६’ मध्ये प्रणव देसाईने १०० मीटर धावण्याच्या शर्यतीत (T64 श्रेणी) कांस्य पदक पटकावले आहे.

प्रणवने २०१६ मध्ये ठाण्यातील दादोजी कोंडदेव स्टेडियमवर प्रशिक्षणाला सुरुवात केली होती. ‘पॅरा आशियाई क्रीडा स्पर्धे’त भारताचे प्रतिनिधित्व करण्याची ही त्याची तिसरी वेळ आहे. गेल्या काही वर्षांत प्रणवने ‘वर्ल्ड पॅरा ॲथलेटिक्स चॅम्पियनशिप’ आणि ‘इंडियन ओपन ॲथलेटिक्स चॅम्पियनशिप’मध्ये पदके जिंकली असून, भारतीय क्रीडा क्षेत्रात आपली छाप पाडली आहे.

पदकापर्यंत पोहोचण्याचा हा १० वर्षांचा प्रदीर्घ प्रवास होता.
प्रणव म्हणाला, “पॅरा आशियाई क्रीडा स्पर्धा २०२६ मध्ये पदक मिळाल्यामुळे मी खूप आनंदी आहे. आम्ही दीर्घकाळापासून यासाठी मेहनत घेत होतो. मला माझे प्रशिक्षक निलेश पाटकर आणि संपूर्ण प्रक्रियेवर पूर्ण विश्वास होता. मी माझे आई-वडील आणि आजीचा आभारी आहे, ज्यांनी माझ्यावर नेहमीच विश्वास ठेवला आणि मला पाठिंबा दिला. या कामगिरीमुळे मला आगामी स्पर्धांसाठी अधिक कठोर परिश्रम करण्याची प्रेरणा मिळेल.”

हे ही वाचा:

वाशीममध्ये दुर्गा विसर्जन मिरवणुकीत गुलाल उधळण्यावरून राडा

“परदेशी नेत्यांची वक्तव्ये मूर्खपणाची, अस्वीकार्य”

अल्बानियातील जाळपोळीच्या पोस्टप्रकरणी संजय राऊत यांच्याविरोधात तक्रार

कॉक्रोच’ची झाली पुरती पोलखोल!

प्रशिक्षक निलेश पाटकर म्हणाले की, “गेल्या १० वर्षांत प्रणवने खूप प्रगती केली आहे. त्याने शारीरिक, आर्थिक आणि मानसिक अशा अनेक आव्हानांवर मात केली आहे. माझ्या मते, हा एक अत्यंत प्रेरणादायी प्रवास आहे. आम्ही केवळ शारीरिकदृष्ट्या तंदुरुस्त राहण्याच्या आशेने सुरुवात केली होती आणि आज आम्ही आंतरराष्ट्रीय स्तरावर पदके जिंकण्याचे ध्येय गाठत आहोत.

प्रणवच्या पालकांनी त्याला खंबीर पाठिंबा दिला आहे. प्रणवचा हा विजय अनेक खेळाडूंना ॲथलेटिक्सकडे वळण्यासाठी आणि प्रामाणिकपणे मेहनत घेण्यासाठी प्रेरित करेल. प्रणवच्या या प्रवासात ज्यांनी त्याला साथ दिली, त्या सर्वांचे आम्ही आभार मानतो.”

या यशाबद्दल टीएमसीच्या (TMC) अतिरिक्त आयुक्त मीनल पालंदे आणि टीएमसीएपीवाय (TMCAPY) चे योजना प्रमुख अशोक आहेर यांनी प्रणव आणि त्याच्या पालकांचे अभिनंदन केले असून, त्याला भविष्यातील स्पर्धांसाठी शुभेच्छा दिल्या आहेत.