दिवाळीत फटाके फोडल्यामुळे महिलां- मुलांवर मारहाण करणाऱ्या SP ची बदली!

मिळालेल्या माहितीनुसार, २० ऑक्टोबर २०२५ च्या रात्री पोलिस अधीक्षकांच्या निवासस्थानाजवळ काही लोक फटाके फोडत होते. त्यावेळी भट्टाचार्य यांनी स्वतः हातात दांडुका घेऊन लोकांवर हल्ला केल्याचा आरोप आहे. या घटनेचे सीसीटीव्ही फुटेजही समोर आले आहे. विरोधी पक्षनेते शुभेंदु अधिकारी यांनीही हा मुद्दा उचलला होता.

तथापि, पोलिस अधीक्षक द्युतिमान भट्टाचार्य यांनी मारहाणीचे आरोप फेटाळून लावले. त्यांनी माध्यमांना सांगितले की, रात्री उशिरापर्यंत फटाके फोडले जात होते, त्यामुळे त्यांचे कुत्रे घाबरून भुंकत होते. त्यांच्या सुरक्षा रक्षकांनी लोकांना थांबवण्याचा प्रयत्न केला, परंतु कोणी ऐकले नाही. त्यांनी मान्य केले की काही लोकांना अटक करण्यात आली, परंतु मारहाण झाल्याचे नाकारले.

हे ही वाचा : 

या वादानंतर, २३ ऑक्टोबर रोजी द्युतिमान भट्टाचार्य यांची बदली करून त्यांची नेमणूक राज्य सशस्त्र पोलिसांच्या तिसऱ्या तुकडीचे कमांडंट म्हणून करण्यात आली आहे. त्यांच्या जागी संदीप कर्रा यांची कूचबिहारचे नवीन पोलिस अधीक्षक म्हणून नियुक्ती करण्यात आली आहे.