अलिकडेच मध्य प्रदेशात कफ सिरपचे सेवन केल्यानंतर काही मुलांचा मृत्यू झाला होता. या प्रकरणांमुळे देशभरात मोठ्या प्रमाणात खळबळ उडाली होती. यानंतर केंद्र सरकारने हे प्रकरण गांभीर्याने घेतले असून अशा घटना टाळण्यासाठी एक मोठे पाऊल उचलले आहे. या अंतर्गत, देशभरातील औषध विक्रेते आता डॉक्टरांच्या प्रिस्क्रिप्शनशिवाय कफ सिरप विकू शकणार नाहीत.
सरकारच्या सर्वोच्च नियामक संस्थेने, ड्रग अॅडव्हायझरी कमिटीने, त्यांच्या ६७ व्या बैठकीत कफ सिरपच्या अनियंत्रित विक्रीला आळा घालण्याचा निर्णय घेतला आहे. यानुसार, कफ सिरप आता देशभरात सहज उपलब्ध राहणार नाहीत. लोकांना ओव्हर-द-काउंटरऐवजी डॉक्टरांच्या प्रिस्क्रिप्शनने औषधे खरेदी करण्यास प्रोत्साहित करणे हे सरकारचे ध्येय आहे. आतापर्यंत बहुतेक कफ सिरप हे काउंटरवरून विकले जात होते, परंतु केंद्र सरकारच्या नवीन निर्णयामुळे आता या पद्धतीला आळा बसेल.
सरकारच्या सर्वोच्च नियामक संस्थेने, ड्रग्ज अॅडव्हायझरी कमिटीने, त्यांच्या ६७ व्या बैठकीत या निर्णयाला मान्यता दिली. या निर्णयानुसार, कफ सिरप आता काउंटरवरून विकल्या जाऊ शकणाऱ्या औषधांच्या श्रेणीतून काढून टाकण्यात आले आहे. सरकार लोकांना थेट औषध विक्रेत्यांकडून औषधे खरेदी न करण्यासाठी आणि डॉक्टरांच्या प्रिस्क्रिप्शननुसारच औषधे घेण्यास प्रोत्साहित करण्याचा प्रयत्न करत आहे. याचे अनेक फायदे असून यामुळे औषधांचा गैरवापर रोखला जाईल.
हेही वाचा..
इस्रायलच्या हल्ल्यात सीरियामधील १३ जणांचा मृत्यू; दहशतवादी मारले गेल्याचा दावा
गायीचे निकृष्ठ तूप विकणाऱ्या पतंजलीला दंड
तीन संशयित दहशतवाद्यांनी मागितले जेवण आणि …
सूर्य किरणांचा विमानांना धोका? इंडिगोसह एअर इंडियाच्या विमान उड्डाणांना बसणार फटका
काही दिवसांपूर्वी मध्य प्रदेशातील छिंदवाडा आणि आसपासच्या जिल्ह्यांमध्ये ‘कोल्ड्रिफ’ सिरप घेतल्यानंतर किडनी निकामी होऊन किमान २४ मुलांचा मृत्यू झाला होता. अशा घटना समोर आल्यानंतर देशाची आंतरराष्ट्रीय प्रतिमा खराब झाली होती. यानंतर, जागतिक आरोग्य संघटनेने (WHO) भारतात उत्पादित होणारी तीन भेसळयुक्त औषधे ओळखली होती. श्रीसन फार्मास्युटिकल्सची कोल्ड्रिफ, रेडनेक्स फार्मास्युटिकल्सची रेस्पिफ्रेश टीआर आणि शेप फार्माची रिलाइफ.
