भारताचे ‘ऑपरेशन सिंदूर’ सुरूच आहे. भारताच्या प्रत्युत्तराच्या हल्ल्यामुळे पाकिस्तानमध्ये खळबळ उडाली असून पाकिस्तान थरथर कापत आहे. अशा परिस्थितीत, बॉलिवूडपासून ते टेलिव्हिजनपर्यंतचे तारे भारतीय सैन्यासोबत उभे आहेत आणि त्यांच्या या शौर्याला सलाम करत आहेत. अशा परिस्थितीत ‘अनुपमा’ फेम अभिनेत्री रुपाली गांगुलीने पाकिस्तानच्या अभिनेत्याविरुद्ध केलेली पोस्ट मोठ्या प्रमाणात व्हायरल होत आहे. अभिनेत्रीने भारतीय सैन्याचे कौतुक करत पाकिस्तानी अभिनेता फवाद खानवर टीका केली आहे.
पाकिस्तानी अभिनेता फवाद खानने भारतीय सैन्याच्या ‘ऑपरेशन सिंदूर’बद्दल चुकीचे विधान केले होते. त्यानंतर अभिनेत्री रुपाली गांगुलीने पाकिस्तानी अभिनेत्याला सोशल मीडियावर ट्वीटकरत त्याची जागा दाखवून दिली. अभिनेत्री म्हणाली, तुम्ही भारतीय चित्रपटांमध्ये काम करणे आमच्यासाठी लज्जास्पद आहे. यासोबतच अभिनेत्रीने भारत सरकारला पाकिस्तानला पूर्णपणे नष्ट करण्याचे आवाहनही केले आहे.
अभिनेत्रीने एकामागून एक ट्विट केले. पुढच्या ट्विटमध्ये त्यांनी लिहिले- ‘पुरे झाले.’ मोदीजी, त्यांचा समूळ नाश करा. रुपाली यांनी त्यांच्या तिसऱ्या ट्विटमध्ये लिहिले – ‘मोदी सरकारला सलाम.’ पाकिस्तानी स्ट्रीमिंग कंटेंटवर बंदी घालण्यात आली. तणावाच्या काळात, आपण डिजिटल सीमांचे देखील रक्षण केले पाहिजे.
हे ही वाचा :
सनी देओल यांनी ‘लकीर’ चित्रपट स्क्रिप्ट न पाहताच साइन केला होता
पुतिन यांची संरक्षण राज्यमंत्री संजय सेठ यांनी घेतली भेट
आपल्याकडे पीओके परत घेण्याची क्षमता
खरं तर, पाकिस्तानच्या या घृणास्पद कृत्याला पाकिस्तानी अभिनेता फवाद खानने पाठिंबा दिला होता. पाकिस्तानी अभिनेत्याने लिहिले होते – मी मृतांच्या आत्म्याला शांती आणि त्यांच्या प्रियजनांना शक्ती मिळो अशी प्रार्थना करतो. सर्वांना नम्र विनंती आहे की, भडकाऊ शब्दांनी आगीत तेल ओतू नका. चांगल्या अर्थाचा प्रसार झाला पाहिजे. इन्शाअल्लाह पाकिस्तान जिंदाबाद. यासोबतच ऑपरेशन सिंदूरला लज्जास्पद म्हटले होते, ज्याला अभिनेत्री रूपालीने समर्पक उत्तर दिले आहे.
