गुगलने कंपनीच्या “इस्रायलसोबतच्या $१.२ अब्ज कराराच्या विरोधात असलेल्या २८ कर्मचाऱ्यांना कामावरून कमी करण्यात आले आहे. १६ एप्रिल रोजी कॅलिफोर्नियातील गुगल क्लाउडचे सीईओ थॉमस कुरियन यांच्या कार्यालयावर ताबा घेतल्यानंतर इस्रायली सरकार आणि लष्कराशी असलेले व्यावसायिक संबंध संपुष्टात आणण्याची भूमिका घेणाऱ्या गुगलच्या कर्मचाऱ्यांना अटक करण्यात आली आहे. कर्मचाऱ्यांनी “इस्रायली वर्णद्वेषी सरकार आणि सैन्याबरोबरचा व्यवसाय” थांबवण्याची मागणी केली होती.
न्यूयॉर्क पोस्टच्या एका लेखानुसार गुगलचे ख्रिस रॅको यांनी कंपनी-व्यापी मेमोमध्ये सांगितल्यानुसार, अंतर्गत चौकशीनंतर या कामगारांना बुधवारी सोडण्यात आले. रको यांनी म्हटले आहे की, त्यांचे वर्तन अस्वीकारार्ह, व्यत्यय आणणारे होते आणि सहकर्मचाऱ्यांना त्यामुळे धोका निर्माण झाला होता. “वर्णभेदाला जागा नाही” या चळवळीमध्ये कामगारांनी कार्यालयातच निषेध व्यक्त केला आणि अल्फाबेट इंक.ने “गाझामधील पॅलेस्टिनी लोकांच्या नरसंहाराला कारणीभूत असलेल्या इस्रायलला सहाय्य करण्यातील त्यांचा सहभाग थांबवावा, अशी मागणी केली.
हेही वाचा..
‘मुंबई इंडियन्सबरोबरच गुजरात टायटन्सलाही बुडवले’
सलमान खानच्या घराबाहेर गोळीबार प्रकरणात आणखी दोन संशयित अटकेत
श्रीलंकन महिला क्रिकेट संघाने रचला इतिहास
२१ राज्यांतील १०२ जागांवरील प्रचार थंडावला!
अटक केलेल्या सर्व नऊ कर्मचाऱ्यांना गुगलने यापूर्वी प्रशासकीय रजेवर पाठवले होते. रॅको यांनी आपल्या निवेदनात म्हटले आहे की, तपासानंतर आज आम्ही २८ कर्मचाऱ्यांना नोकरीतून कमी केले आहे. आम्ही याचा तपास करत राहणार असून आवश्यकतेनुसार कारवाई करणार आहे. अशा प्रकारच्या वर्तनाला आमच्या कामाच्या ठिकाणी स्थान नाही आणि आम्ही ते सहन करणार नाही.
गुगलचा इस्रायल वाद काय आहे?
आंदोलनादरम्यान कार्यालय सोडण्यास नकार दिल्यानंतर गुगलच्या पाच कर्मचाऱ्यांना अटक करण्यात आली. एका प्रवक्त्याने मंगळवारी आउटलेटला सांगितले. हा निषेध “प्रोजेक्ट निंबस” नावाच्या $१.२ बिलियन प्रकल्पात गुगलच्या सहभागाविरुद्ध होता, जो सैन्यासह इस्रायली सरकारला क्लाउड सेवा पुरवतो.
