भाजपचे राष्ट्रीय महासचिव तरुण चुग यांनी बिहारमध्ये राजद कार्यकर्त्यांनी पंतप्रधान नरेंद्र मोदी यांच्याविरोधात केलेल्या अभद्र वक्तव्याची तीव्र निंदा केली. त्यांनी ‘इंडी’ आघाडीवर हल्लाबोल करताना म्हटले की, ही आघाडी आता मानवता, देशभक्ती, तर्क, शालीनता, मूल्य, नीती आणि दृष्टिकोन या सर्व गोष्टींपासून पूर्णपणे वंचित झाली आहे. भाजपचे राष्ट्रीय महासचिव तरुण चुग यांनी बोलताना सांगितले, “न मानवता, न देशभक्ती, न तर्क, न मर्यादा, न मूल्य, न नीती आणि न विचार – त्यांच्या कडे यापैकी काहीही नाही. हाच काँग्रेस आघाडीचा खरा चेहरा आहे. अभद्र भाषा आणि अश्लील राजकारण हेच आता त्यांचे एकमेव शस्त्र झाले आहे. लोकशाहीमध्ये जनतेच्या जनादेशाचा सन्मान करण्याऐवजी हे जंगलराजाचे समर्थक सतत घाणेरडी भाषा आणि दिशाहीन वक्तव्य करत आहेत. बिहारची जनता त्यांना नक्कीच धडा शिकवेल.”
ते पुढे म्हणाले, “जेव्हा विचार संपतात, योजना थांबतात, तेव्हा फक्त अपमान आणि अपशब्द उरतात. हाच काँग्रेस आणि राजदचा खरा चेहरा आहे. बिहारची जनता अमर्यादित आणि अलोकशाही राजकारण करणाऱ्या या आघाडीला करारी हार चाखवेल.” इंडियन ओव्हरसीज काँग्रेसचे प्रमुख सॅम पित्रोदा यांच्या ‘पाकिस्तान मला आपले घर वाटते’ या वक्तव्यावर तरुण चुग यांनी सवाल उपस्थित केले. ते म्हणाले, “परदेशी टूलकिटच्या अंतर्गत भारत, भारतीयता आणि लोकशाही संस्थांना बदनाम करण्यासाठी काँग्रेस आणि तिचा संरगना राहुल गांधी यांच्या नेतृत्वाखाली एक अभियान चालवले जात आहे. ‘खोटा गुरु’ आणि ‘खोटा चेला’ – हाच काँग्रेस मानसिकतेचा अचूक वर्णन आहे, जी पाकिस्तानला आपले घर मानते.”
हेही वाचा..
नमो युवा रन मॅराथॉनला उत्तम प्रतिसाद
‘ऑपरेशन सिंदूर’ : दाल सरोवरात सापडले कवचाचे अवशेष!
‘वाईट गोष्टी घडणार आहेत’: ट्रम्प यांचा बग्राम एअर बेसवरून अफगाणिस्तानला अल्टीमेटम!
तेजस्वी यादव समोर पंतप्रधानांच्या आईला शिवीगाळ; भाजपा म्हणाली–’बिहारच्या बहिणी हिशेब घेतील’
काँग्रेसला भारतविरोधी मानसिकतेचे प्रतीक ठरवत त्यांनी म्हटले, “काँग्रेस पार्टी पाकिस्तानी सैन्याच्या इशाऱ्यावर नागिन डान्स करते आणि भारताच्या शहीदांच्या बलिदानाला विसरते. त्यांचा उद्देश फक्त देशाला बदनाम करणे आणि उद्ध्वस्त करणे आहे. पण भारताची जनता काँग्रेस आघाडीच्या या अजेंड्याचा चुराडा करेल. पाकिस्तानप्रेमात बुडालेल्या काँग्रेसी नेत्यांचे हे हिंसक दु:स्वप्न कधीच पूर्ण होणार नाही. भारताची एकता आणि मजबुतीच त्यांना योग्य उत्तर ठरेल.”
