उत्तर प्रदेशातील गाझियाबादमध्ये ख्रिश्चन धर्मांतराचे प्रकरण समोर आले आहे. याच्या हिंदू संघटनांनी आंदोलन केले असून गरीब हिंदूंचे धर्मांतर करण्याचा फसवा प्रयत्न करत असल्याचा आरोप ख्रिश्चन मिशनऱ्यांवर करण्यात आला आहे. या प्रकरणी पोलिसांनी गुन्हा नोंद करण्यात आला असून अनेक जणांना पोलिसांनी ताब्यात घेतले आहे. पोलिसांनी या परिसरातून ख्रिचन धर्माची कागदपत्रे जप्त केली आहेत. गाझियाबादमधील कौशांबी पोलीस ठाण्याच्या हद्दीत ही घटना घडली.
हेही वाचा..
गुजरात विद्यापीठात हाणामारीचे कारण फक्त नमाज नाही…
४०० पार करण्याचा मार्ग दक्षिणेतून जातो!
नारायण मूर्ती यांच्याकडून चार महिन्यांच्या नातवाला २४० कोटी किमतीच्या शेअर्सची भेट
केंद्रीय मंत्री पशुपती पारस यांचा राजीनामा
हिंदू संघटनांच्या सदस्यांनी पोलिस स्टेशनमध्ये तक्रार दाखल केली असून रविवारी बाहेरच्या लोकांनी कौशांबी भागातील आर्थिकदृष्ट्या वंचित हिंदू कुटुंबांमध्ये ख्रिश्चन धर्माचे समर्थन करणारी पत्रके वाटली. या पॅम्प्लेट्सने प्रत्येकाला ठरवून दिलेल्या ठिकाणी एकत्र येण्याचे आवाहन केले. या मेळाव्याच्या ठिकाणी परदेशी नागरिकांसह अल्पवयीनही तिथे आढळले. या मेळाव्यात हिंदूंना आर्थिक प्रोत्साहन देऊन भुरळ घातल्याचा विहिंप कार्यकर्त्यांनी केला आहे. या पैशांसोबतच त्यांना विविध धर्मांवरील मजकूर असलेली पुस्तके उपलब्ध करून देण्यात आल्याने उपस्थितांमध्ये संभ्रम निर्माण झाला. हिंदू संघटनांच्या आक्रोशानंतर पोलिसांनी घटनास्थळी हस्तक्षेप केला. या कार्यक्रमाबाबत पोलिसांना अगोदर माहिती देण्यात आली नसल्याचे समोर आले आहे.
मेळाव्यात व्यासपीठावर उपस्थित असलेल्यांमध्ये अमेरिका आणि कोरियातील व्यक्तींचाही समावेश असल्याचे आढळून आले. तेथे वाटण्यात आलेल्या पॅम्फ्लेटमध्ये “येशूचे बलिदान लक्षात ठेवा” असे शीर्षक असलेल्या मजकुराचा समावेश आहे. आणखी एका पत्रिकेत बायबलवर आधारित एका खास भाषणाचाही उल्लेख आहे. त्याचे शीर्षक “द डेड विल कम बॅक टू लाइफ असे आहे. प्रसारित केल्या जाणाऱ्या इतर पत्रकांमध्ये “सैतानाचे राज्य संपल्यावर जग कसे असेल” आणि “मेलेले पुन्हा जिवंत होतील का?” यासारखे प्रश्न आहेत. सध्या गाझियाबाद पोलिसांनी या प्रकरणी कोणतेही अधिकृत वक्तव्य जारी केलेले नाही.
