मराठीतील ‘खतरनाक’ लेखक, दिग्दर्शक, अभिनेते प्रवीण तरडे यांच्या आगामी सरसेनापती हंबीरराव मोहिते या चित्रपटाचे टीजर काल (शनिवार, १८ डिसेंबर) रोजी प्रदर्शित झाले आहे. ‘परिस्थिती जेवढी बिकट, मराठा तेवढाच तिखट’ असे म्हणत प्रवीण तरडे यांनी आपल्या फेसबुक खात्यावर हा टीजर व्हिडीओ शेअर केला आहे. सरसेनापती हंबीरराव चित्रपटाच्या या टीजरला प्रचंड प्रतिसाद मिळताना दिसत आहे.
या आधी सुपर हिट ठरलेल्या ‘मुळशी पॅटर्न’ प्रमाणेच ‘सरसेनापती हंबीरराव’ हा चित्रपटही ‘सब कुछ प्रविण तरडे’ अशा प्रकारचा असणार आहे. या चित्रपटाची कथा, पटकथा यांचे लेखन हे प्रविण तरडे यांनी केले आहे. या सोबतच चित्रपटाचे दिग्दर्शनही प्रविण तरडे यांनीच केले आहे. तर हंबीरराव मोहिते यांच्या मुख्य भूमिकेती प्रविण तरडेच असणार आहेत.
हे ही वाचा:
छत्रपती शिवाजी महाराजांच्या पुतळ्याची विटंबना करणारा काँग्रेस कार्यकर्ता?
आमदार अतुल भातखळकरांचे उद्धव ठाकरेंना तीन सवाल! मुख्यमंत्री देणार का उत्तर?
अनिल परब, हा तुझ्या बापाचा पैसा आहे का?
अमृतसर: सुवर्ण मंदिरात पवित्र गुरु ग्रंथ साहेबच्या विटंबनेचा प्रयत्न
छत्रपती शिवाजी महाराजांनी स्थापना केलेल्या हिंदवी स्वराज्याचे सरसेनापती हंबीरराव मोहिते यांच्या जीवनावर हा चित्रपट बेतलेला आहे. मराठीत आगामी काळात येऊ घातलेल्या काही महत्वाच्या ऐतिहासिक चित्रपटांपैकी हा एक असणार आहे. तर प्रवीण तरडे यांच्या मुळशी पॅटर्नच्या यशानंतर आता सरसेनापती हंबीरराव या चित्रपटाकडून अपेक्षा वाढल्या आहेत. लवकरच या चित्रपटाच्या प्रदर्शनाची तारीख जाहीर करण्यात येणार आहे.
