पंजाब सरकार शिक्षणात आणते राजकारण

पंजाब भारतीय जनता पक्षाचे नेते विनीत जोशी यांनी पंजाबमधील आम आदमी पक्ष सरकारवर शिक्षणात राजकारण आणल्याचा आरोप केला. भाजपा नेते विनीत जोशी म्हणाले, “पंजाबमध्ये आम आदमी पक्षाची सरकार आहे. या सरकारच्या अंतर्गत पंजाब एज्युकेशन बोर्ड कार्यरत आहे. ४ मार्च रोजी १२ वीच्या राज्यशास्त्र परीक्षेच्या प्रश्नपत्रिकेमध्ये विचारण्यात आलेल्या काही प्रश्नांवर आम्हाला आक्षेप आहे. यामध्ये पक्षाच्या प्रचाराला चालना दिली जात आहे.

त्यांनी सांगितले की, प्रश्नपत्रिकेत दोन प्रश्न अत्यंत विवादास्पद आहेत. पहिला प्रश्न आहे – ‘आम आदमी पक्षाची स्थापना कधी झाली?’ आणि दुसरा प्रश्न आहे – ‘आम आदमी पक्षाच्या धोरणे आणि कार्यक्रमांचे वर्णन करा.’ हा प्रश्न तब्बल आठ गुणांसाठी विचारण्यात आला आहे. विनीत जोशी पुढे म्हणाले, “शाळांमध्ये वर्षभर जे शिकवले जाते, त्याचाच समावेश परीक्षेत होतो. पण आता १२ वीतील विद्यार्थ्यांना (ज्यांचे वय १७ ते १८ वर्षे आहे) वर्गात आम आदमी पक्षाच्या नीतिंविषयी शिकवले जात आहे. हे विद्यार्थी २०२७ च्या पंजाब विधानसभा निवडणुकीत प्रथमच मतदान करतील. त्यामुळे विद्यार्थ्यांमध्ये पक्षाच्या प्रचाराचा प्रयत्न करून, त्यांना भविष्यातील मतदार बनवण्याचे हे षडयंत्र आहे.”

हेही वाचा..

उत्तर प्रदेश: पोलीस आणि गो-तस्करांमध्ये चकमक, आरोपीच्या पायाला लागली गोळी!

पाकची नाचक्की; तुर्कमेनिस्तानमधील पाकिस्तानच्या राजदूताला अमेरिकेत प्रवेश नाकारला

दिल्ली पोलिसांकडून पाच बांगलादेशींना अटक !

मुस्लिमांनी होळीला जवळच्या मशिदीत नमाज अदा करावी

भाजपा नेत्यांनी ‘आप’ सरकारला सवाल विचारत म्हटले, “आप पक्षाने मागील लोकसभा निवडणुकीत पंजाबमधील १३ पैकी १० जागांवर पराभव पत्करला होता. त्यानंतर त्यांनी ग्रामपंचायत निवडणुकीत निवडणूक चिन्हावर उभे राहण्याची हिंमत दाखवली नाही. त्यामुळे पंजाबमध्ये ‘आप’ आपला आधार गमावत आहे. दिल्लीतील केजरीवाल यांच्या पराभवाचे संकेत मिळत आहेत आणि जनता त्यांना नाकारत आहे. म्हणूनच, ते नवमतदारांना लक्ष्य करत आहेत.”