बॉलिवूड अभिनेता राजकुमार राव सध्या आपल्या आगामी चित्रपट ‘भूल चूक माफ’ मुळे चर्चेत आहेत. या चित्रपटाची कथा लग्न आणि टाइम लूप (कालचक्र) याच्या भोवती फिरते. आयएएनएस सोबतच्या खास संवादात राजकुमार रावने ही फिल्म आपल्या वैयक्तिक आयुष्याशी जोडली आणि सांगितले की त्यांच्या लग्नात पारंपरिक रीतिरिवाजांऐवजी फक्त पार्टी केली गेली. राजकुमार रावला विचारले की तो लग्नाची कोणती रीत बारंबार अनुभवू इच्छितो, तेव्हा त्यांनी उत्तर दिलं की त्यांच्या लग्नात संगीत किंवा हळदी सारखे पारंपरिक विधी झालेच नाहीत.
ते म्हणाले “माझ्या लग्नात, आम्ही संगीत किंवा हळदीसारख्या रीतिरिवाज केल्या नाहीत. फक्त पार्टी केल्या. पहिल्या दिवशी दिवसा एक पार्टी झाली, मग रात्री पुन्हा एक पार्टी. दुसऱ्या दिवशी लग्न झालं आणि त्या रात्री पुन्हा एक पार्टी. सगळं आधीपासूनच लूपमध्ये होतं! आम्ही पूल पार्टी आणि व्हाइट पार्टीसारख्या थीम पार्टी केल्या होत्या,” असेही त्यांनी उत्साहाने सांगितले.
हेही वाचा..
भारतीय सेनेच्या जज्ब्याला सलाम!
भारतीय लष्कर कशा प्रकारे करते पाकला नामोहरण
देवोलीनाने केली पाकिस्तानी ट्रोलर्सची बोलती बंद
भारत-नेपाळ सीमेवर सुरक्षा वाढवली
चित्रपटाच्या सेटबद्दल बोलताना राजकुमार म्हणाले, सेटवर वातावरण पार्टीसारखं होतं, पण केवळ रात्रीच्या वेळेस! शूटिंग मे-जूनच्या प्रचंड उकाड्यात झालं. दिवसा इतकी गरमी असायची की एसीनेही काही उपयोग व्हायचा नाही. त्यामुळे रात्रीचं शूटिंग जास्त आरामदायक आणि मजेशीर होतं. ऑनस्क्रीन आणि ऑफस्क्रीन आम्ही भरपूर मजा केली, कारण आम्ही सगळे एकसारखे होतो. सगळ्यांना आपलं काम आवडायचं आणि सर्वांनी समर्पणाने चित्रपट पूर्ण केला.
भारत-पाकिस्तानमधील तणावपूर्ण परिस्थिती पाहता या चित्रपटाच्या मेकर्सनी चित्रपटगृहातील प्रदर्शना ऐवजी ओटीटीवर रिलीज करण्याचा निर्णय घेतला. मॅडॉक फिल्म्सने गुरुवारी इन्स्टाग्राम पोस्टमध्ये लिहिले, अलीकडील घडामोडी आणि देशभरात वाढवलेली सुरक्षा पाहता, मॅडॉक फिल्म्स आणि अमेझॉन एमजीएम स्टुडिओजने पारिवारिक मनोरंजन असलेली फिल्म ‘भूल चूक माफ’ १६ मे रोजी थेट प्राईम व्हिडिओवर रिलीज करण्याचा निर्णय घेतला आहे. आम्हाला हा चित्रपट प्रेक्षकांबरोबर थिएटरमध्ये साजरा करायचा होता, पण देश प्रथम आहे – जय हिंद. या चित्रपटाची निर्मिती दिनेश विजन यांच्या मॅडॉक फिल्म्सच्या बॅनरखाली झाली आहे. तनिष्क बागची यांनी संगीत दिले असून इरशाद कामिल यांनी गाणी लिहिली आहेत.
