साहिलचा शेवटचा मेसेज…माझ्याकडून चूक झाली!

साहिलच्या मृत्यूपूर्वीच्या काही तासांमध्ये नेमके काय घडले, याचा मुंबई पोलिसांकडून तपास सुरू आहे. विशेषतः शुक्रवार, १८ सप्टेंबर रोजी मध्य सत्राच्या परीक्षेदरम्यान कथित गैरप्रकार करताना पकडल्यानंतर साहिल आपल्या खोलीत परतल्यानंतरच्या घटनाक्रमाची पोलिसांकडून पुनर्रचना केली जात आहे. पोलिसांनी दिलेल्या माहितीनुसार, साहिलने दुपारी सुमारे २.३० वाजता आपल्या मैत्रिणीशी फोनवर संवाद साधला. या संभाषणादरम्यान त्याने आपल्याकडून चूक झाल्याचे सांगितले आणि तो तणावाखाली असल्याचे जाणवत होते.

पोलिसांच्या माहितीनुसार, साहिलने आपल्या मैत्रिणीला, ‘मुझसे गलती हो गई है’, म्हणजेच ‘माझ्याकडून चूक झाली आहे’, असे सांगितले. या संभाषणात त्याने यापूर्वी झालेल्या थर्मोडायनॅमिक्सच्या पेपरचाही उल्लेख केला. त्याने म्हटले की, ‘माझा आधीचा थर्मोडायनॅमिक्सचा पेपर चांगला गेला नव्हता आणि आता हेही घडले आहे,’ असे सांगितल्याचे पोलिसांच्या हवाल्याने वृत्तात नमूद करण्यात आले आहे.

हे ही वाचा:

भूगोल कवचधारी हुतींनी अण्वस्त्रधारी पाकिस्तानला घाम फोडला

हमासचा अर्थविभाग प्रमुख मोहम्मद अबू अलवानला इस्रायलने टिपले

भारताच्या देशांतर्गत हवाई वाहतुकीत ऑगस्टमध्ये ६.३४ टक्क्यांची घट

भाजपची नवी मोर्चेबांधणी; महाराष्ट्रातील नेत्यांना महत्त्वाची जबाबदारी

पोलिसांच्या सूत्रांनुसार, या संभाषणादरम्यान साहिल संभ्रमित आणि तणावग्रस्त वाटत होता. त्याच्या मैत्रिणीने त्याला शांत आणि संयमी राहण्याचा सल्ला दिला. तसेच, या परिस्थितीची चिंता करण्याऐवजी आगामी परीक्षांवर लक्ष केंद्रित करण्यास त्याला प्रोत्साहित केले.

संभाषणात जातीय भेदभावाचा उल्लेख नाही

साहिलने आपल्या मैत्रिणीशी केलेल्या शेवटच्या ज्ञात फोन संभाषणातील माहितीचाही तपास अधिकारी घेत आहेत. पोलिसांच्या माहितीनुसार, या संभाषणादरम्यान जातीय भेदभाव किंवा जातीय छळाशी संबंधित कोणतीही चर्चा झाल्याचे आढळलेले नाही.पोलिसांच्या मते, साहिलने आपल्या मैत्रिणीशी केलेले हेच शेवटचे संभाषण असण्याची शक्यता आहे. या संभाषणानंतर त्याने तिचे फोन घेणे बंद केले.

आता या संभाषणानंतर साहिलच्या मृत्यूपर्यंतच्या कालावधीत नेमके काय घडले, याचा तपास पोलिस करत आहेत.साहिलचा शुक्रवार, १८ सप्टेंबर रोजी सायंकाळी मृत्यू झाला. मध्य सत्राच्या परीक्षेदरम्यान कथित गैरप्रकार करताना आणि उत्तरे मिळवण्यासाठी चॅटजीपीटीचा वापर केल्याचा आरोप झाल्यानंतर काही तासांनी ही घटना घडली.