रोटरी क्लब ऑफ मुंबई शिवाजी पार्क तर्फे “एक एहसास: आत्महत्याप्रतिबंधाबाबत जागरूकता” या उपक्रमांतर्गत “मानसिक आरोग्याविषयी जागरूकता” या सत्राचे आयोजन करण्यात आले. शनिवार, ८ नोव्हेंबर रोजी आर जे एम डी एस इंग्लीश स्कुल जोगेश्वरी येथे या सत्राचे यशस्वी आयोजन करण्यात आले.
कौन्सेलिंग सायकोलॉजिस्ट स्वेता रामकृष्ण — सुखम मनस या उपक्रमाच्या संस्थापक यांनी विद्यार्थ्यांशी मनमोकळा संवाद साधला. त्यांनी भावनिक जागरूकता, आत्मसंवाद आणि मानसिक संतुलन याबाबत अतिशय समजण्यासारख्या आणि प्रेरणादायी पद्धतीने मार्गदर्शन केले. या कार्यक्रमाला संस्थेचे उपकार्याध्यक्ष अशोक परब,आरजेएमडीएस इंग्लिश स्कूलचे सीईओ दिपक खानविलकर, शाळेच्या कमिटी सदस्या इंद्रायणी सावंत, मुख्याध्यापिका डींपल आणि शबनम या उपस्थित होत्या. या सत्राला क्लबच्या उपाध्यक्षा प्रज्ञा सिन्हा, सचिव समृद्धी जठार आणि क्लब सदस्य जय जगताप उपस्थित होते.
