उत्तर प्रदेशचे उपमुख्यमंत्री केशव प्रसाद मौर्य यांनी मंगळवारी पहलगाम हल्ल्याच्या पार्श्वभूमीवर म्हटले की, आतापर्यंत केवळ पाकिस्तानचा पाणीपुरवठा बंद करण्यात आला आहे. जर तो आपल्या वागणुकीत सुधारणा करणार नसेल, तर तो दिवस दूर नाही जेव्हा त्याचा श्वासही बंद केला जाईल. ते म्हणाले की, अनेक छोट्या मोठ्या नेत्यांकडून पहलगाम हल्ल्याच्या संदर्भात सेनेच्या कारवाईवर प्रश्न उपस्थित केले जात आहेत. पण, हा वेळ सरकार किंवा सेनेच्या निर्णयांवर प्रश्न उपस्थित करण्याचा नाही, तर त्यांच्या पाठीशी उभं राहण्याचा आहे. सरकार आणि सेना सध्या देशवासीयांच्या सुरक्षेसाठी जे काही करत आहेत, त्यासाठी आपण त्यांना पाठिंबा द्यायला हवा, जेणेकरून कोणत्याही अप्रिय परिस्थितीचा सामना देशवासीयांना करावा लागू नये.
मौर्य म्हणाले की, देशातील मुस्लिम समाजही दहशतवादी कारवायांचा विरोध करत आहे. पण काही राजकारणी स्वतःच्या राजकीय फायद्यासाठी चुकीची विधानं करत आहेत. अशा विधानांना कोणतीही मान्यता देता कामा नये, असे मला वाटते. ते पुढे म्हणाले, जनता सर्व काही बारीक निरीक्षण करत आहे. सरकारवर प्रश्न उपस्थित करणाऱ्या नेत्यांना जनताच उत्तर देईल आणि आपण हे सगळं पाहू.
हेही वाचा..
चीन : भीषण आगीत २२ जणांचा मृत्यू
पहलगाम हल्ल्यावेळी ‘अल्लाहु अकबर’ची घोषणा ‘नैसर्गिक’
२०२५ मध्ये फ्रेशर्स आणि टेक टॅलेंटसाठी प्रचंड मागणी
हृदय आणि मेंदूसाठी सर्वोत्तम आहे ‘ॐ’ चा उच्चार !
२०२७ मधील विधानसभेच्या निवडणुकांबाबत मौर्य यांनी दावा केला की, त्या निवडणुकीत उत्तर प्रदेशची जनता समाजवादी पक्षाला ‘समाप्तवादी पक्ष’ बनवेल, आणि त्यांना कोणी विचारणारही नाही. ते म्हणाले की, २०२४ च्या लोकसभा निवडणुकीत भाजपाला अपेक्षेपेक्षा कमी जागा मिळाल्या, आणि त्यानंतर हे लोक गुब्बाऱ्यासारखे फुगत आहेत. पण त्यांना हे लक्षात घ्यायला हवं की, लोकसभा निवडणुकीनंतर अनेक राज्यांमध्ये विधानसभा निवडणुका झाल्या, आणि तिथे भाजपाचं कमळ फुललं. त्यामुळे समाजवादी पक्षाला ही गोष्ट लक्षात ठेवावी लागेल की आगामी उत्तर प्रदेश विधानसभा निवडणुकीत जनता त्यांना विचारणारही नाही.
