‘हेरगिरी’ केल्याच्या आरोपाखाली काँग्रेस नेत्याच्या माजी सहकाऱ्याला अटक!

पाकिस्तानच्या इंटर-सर्व्हिसेस इंटेलिजेंससाठी (ISI) हेरगिरी केल्याच्या आरोपाखाली बुधवारी (२८ मे) एका सरकारी कर्मचाऱ्याला आणि एका वरिष्ठ काँग्रेस नेत्याच्या माजी स्वीय सहाय्यकाला ताब्यात घेण्यात आले. राजस्थान सीआयडी आणि जयपूरच्या इतर गुप्तचर विशेष पथकांनी कारवाई करत जैसलमेरमधील सरकारी विभागाच्या कार्यालयातून सकूर खान मंगलिया या व्यक्तीला ताब्यात घेतले.

सकूर खान हा जैसलमेर जिल्ह्यातील रहिवासी आहे आणि सध्या राज्याच्या रोजगार कार्यालयात कार्यरत आहे. ऑपरेशन सिंदूर दरम्यान तो जिल्हा प्रशासन नियंत्रण कक्षात कर्तव्यावर होता. पाकिस्तानी दूतावासातील एका अधिकाऱ्याशी त्याचे कथित संबंध आणि आयएसआयशी संभाव्य संबंधांबद्दल माहिती मिळाल्यानंतर गुप्तचर संस्था काही काळापासून त्याच्यावर लक्ष ठेवून होत्या.

“संशयास्पद कारवायांमध्ये त्याच्या सहभागाबद्दल वरिष्ठ मुख्यालयातून मिळालेल्या माहितीच्या आधारे, आम्ही त्याला पडताळणी आणि चौकशीसाठी ताब्यात घेतले आहे,” असे पोलिस अधीक्षक सुधीर चौधरी यांनी सांगत अटकेची पुष्टी केली.

शकूर खान जिल्हा रोजगार कार्यालयात लिपिक म्हणून काम करतो. त्याने यापूर्वी काँग्रेस सरकारमधील माजी मंत्री शाले मोहम्मद यांचे वैयक्तिक सहाय्यक म्हणून काम केले आहे. शाले मोहम्मद आणि शकूर खान एकाच गावचे आहेत.

दरम्यान, सूत्रांनी सांगितले की, गुप्तचर पथकाला खानच्या मोबाईल फोनवर अनेक अज्ञात पाकिस्तानी नंबर सापडले आहेत आणि याबाबत स्पष्टीकरण देण्यात तो अयशस्वी ठरला आहे. चौकशीदरम्यान खानने यापूर्वी ६-७ वेळा पाकिस्तानला भेट दिल्याचेही कबूल केले आहे.

हे ही वाचा : 

मातोश्रीची सून सायबा सून

जम्मू-काश्मीरच्या शोपियानमध्ये लष्करच्या २ दहशतवाद्यांना अटक!

एका शिक्षिकेने दिलेला धडा..

बालंबाल बचावलेल्या सिंगापूरची महिला म्हणाली, ऑपरेशन सिंदूर आमच्या हृदयाच्या जवळचे

अधिकाऱ्यांच्या मते, त्याच्या मोबाईल फोनवर आतापर्यंत लष्कराशी संबंधित कोणतेही व्हिडिओ किंवा संवेदनशील सामग्री आढळलेली नाही. तथापि, मोबाईलवरील अनेक पोस्ट डिलीट केल्याचे आढळले. दोन बँक खात्यांसह त्याचे आर्थिक रेकॉर्ड देखील गुप्तचर संस्थांकडून तपासले जात आहेत.

इंडिया टुडेच्या बातमीनुसार, सूत्रांनी सांगितले की, “काही काळापासून त्याच्या हालचालींवर पाळत ठेवण्यात आली होती. पाकिस्तानी दूतावासातील एका अधिकाऱ्याशी त्याचे संबंध आणि पाकिस्तानी गुप्तचर संस्थेशी संबंध असण्याची शक्यता असल्याने जयपूर येथील गुप्तचर पथकाला कारवाई करण्यास भाग पाडले.”