सौदी अरेबियाचे F-15 लढाऊ विमान पाडल्याचा हुतींचा दावा

सौदी अरेबिया आणि हुती बंडखोरांमधील संघर्ष दिवसेंदिवस अधिक शिगेला पोहचत असून सौदी अरेबियाचे F-15 लढाऊ विमान पाडल्याचा दावा येमेनमधील हुती बंडखोरांनी केला आहे. हे विमान मारिब प्रांताच्या हवाई हद्दीत कारवाई करत असताना स्थानिक पातळीवर तयार केलेल्या क्षेपणास्त्राच्या मदतीने पाडल्याचे हुतींचे म्हणणे आहे. मात्र, सौदी अरेबियाने या विमानाच्या पाडल्याची अधिकृत पुष्टी केलेली नाही.

हुतींचे लष्करी प्रवक्ते याह्या सारी यांनी सोशल मीडियावर याबाबत माहिती दिली. त्यांच्या म्हणण्यानुसार, सौदी F-15 हे मारिब प्रांतात लष्करी कारवाईसाठी तैनात होते. हुतींनी स्थानिक पातळीवर तयार केलेल्या हवेतून हवेत मारा करणाऱ्या क्षेपणास्त्राचा वापर करून हे विमान लक्ष्य केल्याचा दावा केला आहे. या दाव्याला पुष्टी देण्यासाठी हुती-संबंधित माध्यमांनी एक व्हिडिओही जारी केला आहे. या व्हिडिओमध्ये आकाशात एका विमानाचा मागोवा घेतल्यानंतर त्याच्या दिशेने क्षेपणास्त्र झेपावताना दिसते. त्यानंतर आकाशात मोठा प्रकाशझोत आणि विमानाचे अवशेष खाली पडताना दिसतात. पुढील दृश्यांमध्ये वाळवंटी भागात जळालेले विमानाचे अवशेष आणि सौदी ध्वज असलेला भाग दिसत असल्याचे वृत्त आहे.

🚨 BREAKING — YEMEN 🇾🇪🇸🇦

New footage circulating from Marib reportedly shows wreckage linked to a Saudi F-15 that Yemen’s Houthis claim they shot down on September 16.

Houthi military spokesman Yahya Saree said the aircraft was brought down over Marib Governorate.

Saudi Arabia…

— XPRESS (@Xpress_24_7) September 16, 2026

हे ही वाचा:

जम्मू-काश्मीरच्या उधमपूरमध्ये दोन दहशतवाद्यांचा खात्मा

‘सेबी’च्या पूर्णवेळ सदस्यपदी कमलेश चंद्र वार्ष्णेय यांची पुनर्नियुक्ती

दिशा सालियनला मी कधी भेटलोच नाही!

यूएईकडून ५ हजार बांगलादेशी नागरिकांचा व्हिसा रद्द

दरम्यान, सौदी अरेबिया आणि हुतींमधील संघर्ष गेल्या काही दिवसांत मोठ्या प्रमाणात वाढला आहे. हुतींच्या म्हणण्यानुसार, सौदी विमानांनी येमेनमधील विविध भागांवर मोठ्या प्रमाणात हवाई हल्ले केले आहेत. दुसरीकडे, हुतींनी सौदी अरेबियातील लष्करी आणि तेल संबंधित ठिकाणांना ड्रोन आणि क्षेपणास्त्रांनी लक्ष्य केल्याचा दावा केला आहे. याच काळात सौदी अरेबियाने मक्का शहराजवळ हुतींचा ड्रोन हल्ला रोखल्याचे सांगितले होते. सौदीच्या म्हणण्यानुसार, ड्रोन मक्काच्या प्रतिबंधित हवाई क्षेत्रात प्रवेश करण्यापूर्वीच नष्ट करण्यात आला. मात्र, हुतींनी मक्काला लक्ष्य केल्याचा आरोप नाकारला आहे.