अनेक पिढ्यांच्या स्मरणात राहील ‘नानां’चा अभिनय!

ज्येष्ठ अभिनेते नाना पाटेकर यांच्या निधनाने हिंदी आणि मराठी चित्रपटसृष्टीवर शोककळा पसरली आहे. वयाच्या ७५व्या वर्षी गोव्यातील निवासस्थानी त्यांचे निधन झाले. नाना पाटेकर यांच्या निधनावर पंतप्रधान नरेंद्र मोदी यांनी शोक व्यक्त करत त्यांच्या अभिनय कारकिर्दीतील योगदानाचे स्मरण केले.

पंतप्रधान नरेंद्र मोदी यांनी ‘एक्स’वर पोस्ट करत नाना पाटेकर यांच्या निधनावर शोक व्यक्त केला. नाना पाटेकर यांच्यासारखी झोकून देण्याची वृत्ती, वेगळेपण आणि प्रभाव फार मोजक्या अभिनेत्यांमध्ये होता. त्यांनी विविध भूमिका साकारत अनेक पिढ्यांच्या स्मरणात राहील असा अभिनय केला. हिंदी आणि मराठी चित्रपटसृष्टीतील त्यांचे योगदान अफाट होते. त्यांच्या निधनाने कलाविश्वात मोठी पोकळी निर्माण झाली असून, मोदी यांनी त्यांच्या कुटुंबीय, मित्रपरिवार आणि चाहत्यांप्रती संवेदना व्यक्त केल्या.

श्री नाना पाटेकर यांच्यासारखी झोकून देण्याची वृत्ती, स्वतःचे वेगळेपण आणि एक आगळा प्रभाव फारच मोजक्या अभिनेत्यांमध्ये पाहायला मिळतो. त्यांनी प्रत्येक भूमिकेत विलक्षण विविधता आणि सर्जनशीलता आणत, अनेक पिढ्यांच्या स्मरणात राहतील अशा भूमिका आपल्यासाठी साकारल्या. आपल्या स्पष्ट आणि परखड विचारांसाठीही त्यांचा मोठा आदर केला जायचा, स्वतःच्या विश्वासावर ठाम राहून मत मांडताना ते कधीही डगमगले नाहीत.

​हिंदी आणि मराठी चित्रपटसृष्टीत श्री नाना पाटेकर यांचे योगदान अफाट होते. त्यांच्या जाण्याने कलाविश्वात एक मोठी पोकळी निर्माण झाली आहे. त्यांचे कुटुंब, मित्रपरिवार आणि असंख्य चाहत्यांप्रती मी संवेदना व्यक्त करतो. ओम शांती!

— Narendra Modi (@narendramodi) October 8, 2026

मुख्यमंत्री देवेंद्र फडणवीस यांनीही नाना पाटेकर यांच्या निधनावर शोक व्यक्त केला. नाना पाटेकर हे त्यांचे निकटचे मित्र होते. त्यांच्या अचानक निधनाने मनाला मोठा धक्का बसल्याचे फडणवीस यांनी म्हटले. मराठी आणि हिंदी चित्रपटसृष्टीला नानांनी एक वेगळा कालखंड दिला. ‘क्रांतिवीर’ ते ‘नटसम्राट’पर्यंत त्यांच्या दमदार अभिनयाला तोड नाही, असे त्यांनी नमूद केले.

नाना पाटेकर यांच्या सामाजिक कार्याचाही फडणवीस यांनी उल्लेख केला. जलयुक्त शिवार अभियानाला पाठिंबा देताना मकरंद अनासपुरे यांच्यासोबत त्यांनी ‘नाम फाऊंडेशन’ची स्थापना केली आणि शेतकऱ्यांसाठी प्रत्यक्ष काम केले. दुष्काळाच्या काळातही नाना मदतीसाठी कायम पुढे राहिले. त्यांच्या निधनाने मोठी हानी झाल्याचे सांगत फडणवीस यांनी त्यांच्या कुटुंबीय आणि चाहत्यांप्रती संवेदना व्यक्त केल्या.

ज्येष्ठ अभिनेते आणि माझे निकटचे मित्र नाना पाटेकर यांची अशी अकाली आणि अचानक ‘एक्झिट’ मनाला मोठा धक्का देणारी आहे. मन प्रचंड दुःखी आहे. नाना जितके पडद्यावर मोठे, तितकेच मनाने सुद्धा मोठे होते. मराठी आणि हिंदी चित्रपटसृष्टीला त्यांनी एक कालखंड दिला. त्यातून प्रामुख्याने एक राष्ट्रभक्त अशीच त्यांची प्रतिमा प्रेक्षकांना भावली. ‘क्रांतिवीर’ ते ‘नटसम्राट’ या त्यांच्या प्रवासात जो दमदार आणि कसदार अभिनयाचा पट त्यांनी उभा केला, त्याला तोड नाही. त्यामुळे अभिनेता म्हणून त्यांचे जाणे ही मोठी हानी आहे.
परखडपणा, बेधडकपणा हे स्वभावगुण त्यांचे व्यक्तिमत्त्व खुलवणारे ठरले. पण मी मुख्यमंत्री झाल्यापासून त्यांच्यातील हळवा माणूस कायम पाहत आलो आहे. आम्ही जलयुक्त शिवार अभियान हाती घेतले, तेव्हा त्याला पाठिंबा देण्यासाठी स्वतः नाना पुढे आले होते. मकरंद अनासपुरेजी आणि त्यांनी सोबत येत ‘नाम फाऊंडेशन’ची स्थापना केली आणि स्वतः शिवारात जाऊन काम केले.
शेतकऱ्यांसाठी मदत करणे असो, दुष्काळी कालखंडात मदतीचा हात पुढे करणे असो, नाना कायम अग्रणी राहिले. यंदाही आपण दुष्काळाचा सामना करीत असताना नाना कधीच मागे राहिले नसते, पण ते अचानक सोडून निघून गेले. मी त्यांना भावपूर्ण श्रद्धांजली अर्पण करतो. त्यांच्या कुटुंबियांच्या, चाहत्यांच्या दुःखात आम्ही सहभागी आहोत.
ॐ शांति 🙏

— Devendra Fadnavis (@Dev_Fadnavis) October 8, 2026

हे ही वाचा:

नाना पाटेकर यांचे हृदयविकाराच्या झटक्याने निधन

‘तेजस’साठी अमेरिकेतून चार इंजिन भारतात दाखल

इराण युद्धामुळे अमेरिकेने गमावले ३.३ अब्ज डॉलर

रशिया-युक्रेन युद्धविरामासाठी भारताचा त्रिपक्षीय प्रस्ताव

नाना पाटेकर यांना गोव्यातील त्यांच्या निवासस्थानी हृदयविकाराचा झटका आला. त्यांना बेशुद्ध अवस्थेत रुग्णालयात दाखल करण्यात आले. डॉक्टरांनी सुमारे ४५ मिनिटे सीपीआर देऊन त्यांना वाचवण्याचा प्रयत्न केला; मात्र उपचारांना प्रतिसाद मिळाला नाही. सकाळी सुमारे ५.२० वाजता त्यांना मृत घोषित करण्यात आले. नाना पाटेकर यांच्या निधनाने केवळ एक लोकप्रिय अभिनेता गमावला नसून, आपल्या अभिनयाच्या वेगळ्या शैलीने आणि दमदार संवादफेकीने अनेक दशके प्रेक्षकांच्या मनावर राज्य करणारा कलाकार काळाच्या पडद्याआड गेल्याच्या भावना व्यक्त केल्या जात आहेत.