इंजिनिअरिंग वर्क कारखानदाराकडे १५ लाख रुपयांची लाच घेणाऱ्या जीएसटी उपायुक्तासह दोन जणांविरुद्ध सहार पोलीस ठाण्यात भ्रष्टाचाराचा गुन्हा दाखल करण्यात आला आहे. या प्रकरणाचा तपास ठाणे लाचलुचपत प्रतिबंधक विभाग करीत आहे. तात्यासाहेब विनायक ढेरे आणि एकनाथ भिकू पेडणेकर असे गुन्हा दाखल करण्यात आलेल्या जीएसटी उपायुक्त आणि खाजगी इसमाचे नाव आहे. तात्यासाहेब ढेरे हे राज्य वस्तू व सेवा कर पालघर विभागाचे उपायुक्त आहे.वसई येथे राहणारे तक्रारदार यांचा विरार येथे इंजिनिअरिंग वर्क्स वॉटर प्लांट तयार करण्याची मशीन बनविण्याचा कारखाना आहे.
तक्रारदार यांनी पुरवठा केलेल्या मालाचा जीएसटी न भरल्यामुळे त्यांच्यावर दंडासह ५५ लाख रुपयांची जीएसटी येणे बाकी होते. तक्रारदार यांना जीएसटी विभागाकडून नोटीस पाठविण्यात आल्यानंतर त्यांनी पैसे भरण्याची तयारी दर्शवली होती, परंतु एकाच वेळी एवढी रक्कम भरू शकत नसल्यामुळे त्यांनी सवलत मागितली होती.
जीएसटीचे उपायुक्त तात्यासाहेब ढेरे यांनी त्यांना १० टक्के रक्कम भरून अपिलात जाण्यास सांगितले आणि तेथून वेळ मागण्यास सांगितले होते.तक्रारदार हे १० टक्के रक्कम भरून अपिलात गेले होते,त्यानंतर देखील जीएसटी अधिकारी यांनी आम्हाला १३ लाख रोख द्या आणि १२ लाख जीएसटी मध्ये जमा करा त्यानंतर आम्ही आदेश देऊ. दहा दिवसांत रक्कम दिली नाही तर घर आणि कारखाना सील करण्यात येईल असे जीएसटी अधिकारी यांनी सांगितले असल्याचे तक्रारदार यांनी म्हटले आहे.
हे ही वाचा:
सोने तस्करी प्रकरणात अट्रिया हॉटेल मालकाच्या नातवाला अटक
अमेरिकेला व्यापार शुल्क कमी करण्याबाबत कोणतेही वचन दिलेले नाही
भारताच्या विजयाचा आनंद साजरा करताना मुस्लिम जमावाचा हिंदूंवर हल्ला
पंतप्रधान मोदी यांनी एससी-एसटी आरक्षणाला दिली मजबुती
या तक्रारीची दखल लाच लुचपत प्रतिबंधक विभाग ठाणे यांनी घेत, तक्रारदार यांना जीएसटी अधिकारी यांना लाचेची रक्कम घेण्यासाठी जागा निश्चित करण्यास सांगितले. जीएसटी उपायुक्त ढेरे यांनी खाजगी इसम पेडणेकर याच्या मदतीने अंधेरी पूर्व चिमटपाडा येथील एका हॉटेलात लाचेची रक्कम घेऊन बोलावले.
लाचलुचपत प्रतिबंधक विभागाने सदर ठिकाणी सापळा लावण्यात आला होता, तक्रारदार हे लाचेची रक्कम घेऊन हॉटेल मध्ये गेले. दरम्यान ढेरे आणि तक्रारदार यांच्यात चर्चा होऊन लाचेची रक्कम खाजगी इसम पेडणेकर यांना देण्यास सांगून ढेरे हे हॉटेलमधून बाहेर पडले, दरम्यान लाचेची रक्कम स्वीकारताना लाचलुचपत प्रतिबंधक विभागाने खाजगी इसम पेडणेकर याला लाचेच्या रकमेसह ताब्यात घेतले.या प्रकरणी सहार पोलीस ठाण्यात जीएसटी उपायुक्त ढेरे आणि खाजगी इसम पेडणेकर यांच्यावर भ्रष्टाचार प्रकरणी गुन्हा दाखल करण्यात आला असून अधिक तपास ठाणे लाचलुचपत प्रतिबंधक विभाग करीत आहे.
