28 C
Mumbai
Monday, November 16, 2026
घरक्राईमनामामद्यघोटाळा प्रकरणी भूपेश बघेल यांच्या मुलाच्या ३५५ भूखंडांवर ईडीचा ताबा

मद्यघोटाळा प्रकरणी भूपेश बघेल यांच्या मुलाच्या ३५५ भूखंडांवर ईडीचा ताबा

गैरव्यवहरातून मालमत्ता खरेदी केल्याचा आरोप

Google News Follow

छत्तीसगडमधील कथित मद्यघोटाळ्याच्या तपासादरम्यान अंमलबजावणी संचालनालयाने (ईडी) मोठी कारवाई केली आहे. माजी मुख्यमंत्री आणि काँग्रेस नेते भूपेश बघेल यांचे पुत्र चैतन्य बघेल यांच्याशी संबंधित दुर्ग जिल्ह्यातील रिअल इस्टेट प्रकल्पातील ६१ कोटी रुपये किमतीच्या ३५५ भूखंडांचा ताबा ईडीने घेतला आहे. ईडीच्या पथकाने कुम्हारी परिसरातील ‘विठ्ठल ग्रीन्स’ या प्रकल्पात ही कारवाई केली. या कारवाईनंतर वसाहतीच्या मुख्य प्रवेशद्वारावर नोटीस लावण्यात आली असून, ताब्यात घेतलेल्या मालमत्तांची माहिती देणारा फलकही उभारण्यात आला आहे.

ईडीच्या अधिकाऱ्यांनी दिलेल्या माहितीनुसार, विठ्ठल ग्रीन्स प्रकल्पात एकूण ३८५ भूखंड आहेत. त्यापैकी ३० भूखंडांची यापूर्वीच विक्री झाली असल्याने ते या कारवाईतून वगळण्यात आले आहेत. उर्वरित ३५५ भूखंडांचा ताबा ईडीने घेतला आहे. यामध्ये एका व्यावसायिक भूखंडाचाही समावेश आहे. चैतन्य बघेल यांनी ‘बघेल डेव्हलपर्स’ या स्वतःच्या मालकीच्या फर्ममार्फत हा रिअल इस्टेट प्रकल्प विकसित केला आहे.

२,८८३ कोटींच्या मद्यघोटाळ्याचा तपास

छत्तीसगडमध्ये २०१९ ते २०२३ या कालावधीत कथित मद्यघोटाळा झाल्याचा ईडीचा आरोप आहे. या घोटाळ्यातून २,८८३ कोटी रुपयांहून अधिक रकमेचा गैरव्यवहार झाल्याचा दावा तपास यंत्रणेने केला आहे. देशी मद्याच्या पुरवठ्यातून बेकायदेशीर कमिशन वसूल करणे, सरकारी मद्यविक्री दुकानांमधून हिशेबाबाहेरील मद्याची विक्री करणे आणि मद्यनिर्मिती कंपन्यांकडून कमिशन घेणे, अशा माध्यमांतून हा गैरव्यवहार झाल्याचा ईडीचा आरोप आहे. या कथित घोटाळ्यातून मिळालेल्या १८.९ कोटी रुपयांच्या रकमेचा वापर विठ्ठल ग्रीन्स प्रकल्पाच्या विकासासाठी करण्यात आल्याचा दावा ईडीने केला आहे.

हे ही वाचा:

अर्शदीप-सिराज, अक्षरच्या गोलंदाजीमुळे भारताने मालिका जिंकली

राजस्थान रेल्वे ट्रॅक स्फोटप्रकरणी पाक कनेक्शन उघड!

लक्ष्य सेनने जिंकला कुमामोटो मास्टर्सचा किताब

राहुल गांधींच्या कार्यक्रमात ‘परकीय हात’

दरम्यान, ईडीच्या कारवाईवर भूपेश बघेल यांनी प्रश्न उपस्थित केले आहेत. या कारवाईमागील वेळ आणि उद्देशावर त्यांनी आक्षेप घेतला. संबंधित मालमत्तांबाबत न्यायालयीन प्रक्रिया सुरू असून, या प्रकरणात न्यायाधिकरणाकडेही दाद मागण्यात आली आहे. दुसऱ्याच दिवशी सुनावणी नियोजित असताना ईडीने घाईघाईने ही कारवाई केल्याचा आरोप त्यांनी केला. केवळ प्रसिद्धी मिळवण्यासाठी आणि आपली बदनामी करण्यासाठी ईडीने ही कारवाई केल्याचा दावाही त्यांनी केला.

National Stock Exchange
spot_img

प्रतिक्रिया द्या

कृपया आपली टिप्पणी द्या!
कृपया येथे आपले नाव प्रविष्ट करा

The reCAPTCHA verification period has expired. Please reload the page.

आम्हाला follow करा

113,459चाहतेआवड दर्शवा
2,036अनुयायीअनुकरण करा
342,000सदस्य यादीसदस्य व्हा

इतर नवीनतम कथा