29 C
Mumbai
Sunday, November 22, 2026
घरक्राईमनामा'भारतमाता मुर्दाबाद' घोषणा देणाऱ्याला बंगालमध्ये अटक

‘भारतमाता मुर्दाबाद’ घोषणा देणाऱ्याला बंगालमध्ये अटक

व्हिडिओ व्हायरल झाल्यानंतर संतप्त नागरिकांनी पोलिसांच्या स्वाधीन केले

Google News Follow

पश्चिम बंगालमधील कोलकाता येथील केष्टोपूर परिसरात शनिवारी, २१ नोव्हेंबर रोजी ‘भारत माता मुर्दाबाद’ अशी घोषणा देणाऱ्या एका मुस्लिम तरुणाला अटक करण्यात आली. सरकारी बसमध्ये त्याने दिलेल्या या घोषणेचा व्हिडिओ सोशल मीडियावर व्हायरल झाल्यानंतर संताप व्यक्त करण्यात आला होता. या घटनेमुळे बसमधील प्रवासी आणि संबंधित तरुणामध्ये वाद निर्माण झाला होता. एनामुल मोल्ला असे या तरुणाचे नाव असून तो उत्तर २४ परगणा जिल्ह्यातील हाबरा येथील रहिवासी आहे. पोलीस सूत्रांनी दिलेल्या माहितीनुसार, तो केष्टोपूरमधील प्रभाग क्रमांक २६ मध्ये असलेल्या एका मांसविक्रीच्या दुकानात सहाय्यक म्हणून काम करत होता. स्थानिक नागरिकांनी त्याला पकडून बागुईआटी पोलिसांच्या स्वाधीन केले. त्यानंतर पोलिसांनी त्याला व्हॅनमधून ताब्यात घेतले.

ही घटना १४ नोव्हेंबर रोजी पश्चिम बंगाल सरकारच्या नव्या भगव्या रंगाच्या बससेवेच्या उद्घाटनाच्या दिवशी घडली होती. बसमधील प्रवासी ‘भारत माता की जय’ अशा देशभक्तिपर घोषणा देत होते. त्याचवेळी एनामुल मोल्लाने भारतमातेबद्दल आक्षेपार्ह वक्तव्य करत ‘भारत माता मुर्दाबाद’ अशी घोषणा दिली. विशेष म्हणजे, इतर प्रवाशांना चिथावणी देण्याच्या उद्देशाने तो हसत ही घोषणा देत असल्याचे व्हिडिओमध्ये दिसत आहे. या संपूर्ण घटनेचे चित्रीकरण करण्यात आले होते. त्यानंतर हा व्हिडिओ सोशल मीडियावर मोठ्या प्रमाणात प्रसारित झाला.

हे ही वाचा:

आता सनातन धर्माच्या उत्थानाबाबत शंका नको !

जमशेद आलमने चार चेंडूंवर घेतले चार बळी

टाटाच्या मालकीच्या जग्वार लँड रोव्हरच्या डिझाईनची नक्कल

उद्घाटनानंतर ‘नितीश सेतू’वर लालू समर्थकांचा हैदोस

व्हायरल झालेल्या व्हिडिओनुसार आणि प्रत्यक्षदर्शींनी दिलेल्या माहितीनुसार, या घोषणेनंतर बसमधील वातावरण तणावपूर्ण झाले. इतर प्रवाशांनी मोल्लाच्या वक्तव्याला तीव्र विरोध करत त्याला जाब विचारला. त्याने माफी मागावी, अशी मागणी प्रवाशांनी केली. मात्र, सुरुवातीला तो हसत आणि उपहासात्मक प्रतिक्रिया देत असल्याचे दिसून आले. त्यामुळे प्रवाशांचा संताप आणखी वाढला. शब्द मागे न घेतल्यास त्याला बसमधून खाली उतरवले जाईल, असा इशाराही प्रवाशांनी दिला. अखेर वाढता विरोध पाहून त्याने हसतच, ‘यापुढे असे होणार नाही,’ असे सांगितले. मात्र, त्याच्या या उत्तराने प्रवाशांचे समाधान झाले नाही.

व्हिडिओ सोशल मीडियावर व्हायरल झाल्यानंतर स्थानिक नागरिकांनी त्याची ओळख पटवली. शनिवारी, २१ नोव्हेंबर रोजी त्याचा शोध घेत असलेल्या नागरिकांना तो केष्टोपूर परिसरात दिसला. त्यानंतर नागरिकांनी त्याला घेराव घालून जाब विचारला आणि पोलिसांना माहिती दिली. घटनास्थळी दाखल झालेल्या बागुईआटी पोलिसांनी त्याला ताब्यात घेतले.

National Stock Exchange
spot_img

प्रतिक्रिया द्या

कृपया आपली टिप्पणी द्या!
कृपया येथे आपले नाव प्रविष्ट करा

The reCAPTCHA verification period has expired. Please reload the page.

आम्हाला follow करा

113,459चाहतेआवड दर्शवा
2,036अनुयायीअनुकरण करा
342,000सदस्य यादीसदस्य व्हा

इतर नवीनतम कथा