उत्तर प्रदेशातील मथुरा येथून एक धक्कादायक घटना समोर आली आहे. येथे एअर गनने गोळीबार करून दोन डझनहून अधिक माकडे मारण्यात आली आहेत. धार्मिक शहरात माकडांच्या हत्येमुळे लोकांमध्ये संताप आहे. घटनेची माहिती मिळताच पोलीस घटनास्थळी दाखल होत मृत माकडांचे मृतदेह ताब्यात घेतले आहेत. मिळालेल्या माहितीनुसार, आरोपीला अटक करण्यात आली आहे.
गोवर्धन पोलीस स्टेशन परिसरातील गिरिराज पर्वताच्या काठावर असलेल्या गोविंद कुंड येथे डझनभराहून अधिक माकडांची हत्या करण्यात आली. येथे पडलेल्या मृत माकडांच्या शरीरावर एअर गनच्या गोळ्यांचे जखमा आढळून आल्या आहेत.
पोलिसांनी मृत माकडांचे मृतदेह ताब्यात घेतले आणि शवविच्छेदनासाठी पाठवले आहेत. तथापि, गावकऱ्यांच्या मते, गोविंद कुंडजवळील जानकी दास आश्रमात राहणाऱ्या एका परदेशी नागरिकाने एअर गनचा वापर करत माकडांना मारले आहे. दरम्यान, एसपी (ग्रामीण) त्रिगुणा विसेन यांनी सांगितले की, माकडांचे मृतदेह ताब्यात घेण्यात आले आहेत. शवविच्छेदनानंतर, मृत्यूचे कारण स्पष्ट झाल्यानंतर, पुढील कायदेशीर कारवाई केली जाईल.
हे ही वाचा :
आसाम: भारतविरोधी टिप्पण्या, आमदारासह ४२ जणांना अटक!
‘द केरल स्टोरी’ ला दोन वर्षे पूर्ण काय म्हणाली अदा शर्मा?
जम्मू-काश्मीरातील कारागृहांवर दहशतवाद्यांचा डोळा, सुरक्षा हायअलर्टवर!
अफजाल अन्सारी म्हणतात कठोर कारवाई करा
दरम्यान, या घटनेमुळे परिसरात खळबळ उडाली असून लोकांकडून संताप व्यक्त केला जात आहे. मुक्या प्राण्याला मारून काय सिद्ध करायचे आहे? या माकडांचा काय दोष होता की त्यांना इतक्या क्रूरपणे मारण्यात आले?, असा सवाल लोक करत आहेत. या प्रकरणी पोलिसांकडून पुढील कारवाई सुरु आहे.
