आत्मघाती बॉम्बस्फोट ही एक ‘शहीद मोहीम’ …उमर नबीचा व्हीडिओ आला समोर!

दिल्लीतील लाल किल्ला परिसरात झालेल्या बॉम्ब स्फोटानंतर आत्मघातकी हल्ला करणारा दहशतवादी डॉ. उमर नबी याचा एक व्हिडिओ समोर आला आहे. संबंधित व्हिडीओमध्ये उमर हा आत्मघातकी हल्ल्याचे समर्थन करताना दिसत आहे. कॅमेऱ्यासमोर व्हिडिओ रेकॉर्ड करताना तो म्हणतो की, आत्मघाती बॉम्बस्फोट हे “शहीद होण्याचे मिशन” आहे. त्याने इस्लामचा उल्लेख करून याचे समर्थन देखील केले आहे.

उमर नबीचा हा व्हिडिओ कधी बनवला गेला हे माहित नाही, परंतु असे मानले जाते की, त्याने स्वतःसारख्या इतरांना कट्टर बनवण्यासाठी असे व्हिडिओ रेकॉर्ड केले आहेत. तो एका खोलीत एकटा बसलेला दिसतो. खुर्चीवर बसून, तो शांतपणे आत्मघाती हल्ल्यांविरुद्ध त्याचे मत मांडतो. आत्मघाती हल्ल्यांच्या बाजूने काही युक्तिवाद केल्यानंतर, तो अचानक कॅमेरा खिडकीकडे वळवतो.

व्हिडिओमध्ये उमर नबी म्हणतो, “सर्वात गैरसमज असलेल्या कल्पनांपैकी एक म्हणजे आत्मघाती बॉम्बस्फोट. ही एक ‘शहीद मोहीम’ आहे आणि इस्लाममध्ये ती तशीच ओळखली जाते. आता, त्याविरुद्ध अनेक आक्षेप आणि युक्तिवाद आहेत. जेव्हा एखाद्या व्यक्तीला असे वाटते की तो एका विशिष्ट ठिकाणी, एका विशिष्ट वेळी मरणार आहे तेव्हा शहीद मोहीम असते.

हेही वाचा..

हसीना प्रकरणावरील निर्णयानंतर बांगलादेशात पुन्हा अराजकता; अश्रुधुर, साउंड ग्रेनेड, लाठीमार!

दिल्ली कार स्फोटापूर्वी दहशतवाद्यांनी हमास शैलीतील ड्रोन हल्ल्यांची आखली होती योजना?

दिल्ली बॉम्बस्फोट: अल- फलाह विद्यापीठासह २४ ठिकाणी ईडीचे छापे

“ऑपरेशन सिंदूर ८८ तासांचा केवळ एक ट्रेलर; भविष्यातील कोणत्याही परिस्थितीसाठी तयार”

दहशतवादी उमर नबी हा फरिदाबादमधील एका व्हाईट कॉलर मॉड्यूलचा भाग होता. तो आणि अल-फलाह विद्यापीठातील अनेक डॉक्टर देशभरात दहशतवादी हल्ल्यांचा कट रचत होते. काश्मीरमध्ये एका धमकीच्या पोस्टरच्या चौकशीदरम्यान एका इमामला अटक करण्यात आली आणि त्यामुळे फरिदाबादमध्ये या दहशतवादी टोळीचा शोध लागला. त्यांच्या ताब्यातून २,९०० किलो स्फोटके जप्त करण्यात आली. त्याच्या साथीदारांच्या अटकेनंतर पकडण्याच्या भीतीने, घाबरलेल्या उमर नबीने १० नोव्हेंबर रोजी संध्याकाळी लाल किल्ल्याजवळ आय२० कारमध्ये स्वतःला उडवून दिले.