रशियाच्या क्रीमिया प्रदेशातून एक मोठी विमान दुर्घटना समोर आली आहे. रशियन सैन्याचे वाहतूक विमान एंटोनोव AN-26 कोसळले. या अपघातात विमानातील सर्व २९ जणांचा मृत्यू झाला असून त्यामध्ये सहा क्रू सदस्य आणि २३ प्रवासी होते. प्राथमिक तपासात कोणत्याही बाह्य हल्ल्याचे संकेत आढळले नाहीत आणि तांत्रिक बिघाड हीच दुर्घटनेची मुख्य कारणीभूत असल्याची शक्यता व्यक्त करण्यात येत आहे.
रशियन संरक्षण मंत्रालयाच्या माहितीनुसार, TASS वृत्तसंस्थेने दिलेल्या अहवालात सांगितले की, ३१ मार्चच्या संध्याकाळी क्रीमिया द्वीपकल्पावर नियोजित मार्गाने उड्डाण करत असताना हा अपघात झाला. त्याच दरम्यान अचानक एअर ट्रॅफिक कंट्रोलशी विमानाचा संपर्क तुटला. स्थानिक वेळेनुसार सायंकाळी सुमारे ६ वाजता हे विमान रडारवरून गायब झाले.
प्राथमिक माहितीनुसार, विमान डोंगराळ भागातील खडकावर आदळले. त्यानंतर शोध आणि बचाव पथकांनी घटनास्थळ शोधून काढले, मात्र कोणीही जिवंत असल्याची पुष्टी झाली नाही. संरक्षण मंत्रालयाने सांगितले की, “रेस्क्यू टीमने AN-26 विमानाचा मलबा शोधून काढला आहे. घटनास्थळावरून मिळालेल्या माहितीनुसार, विमानातील सर्व २९ जणांचा मृत्यू झाला आहे.” प्राथमिक तपासात दुर्घटनास्थळी कोणत्याही बाह्य हल्ला किंवा स्फोटाचे चिन्ह आढळले नाहीत. तज्ज्ञांच्या मते, ही दुर्घटना तांत्रिक बिघाडामुळे घडली असावी. संरक्षण मंत्रालयाची विशेष तपासणी टीम घटनास्थळी पोहोचली असून मलब्याची तपासणी सुरू आहे.
हे ही वाचा:
दोन- तीन आठवड्यांत अमेरिकेची इराणविरुद्धची लष्करी मोहीम संपणार? काय म्हणाले ट्रम्प?
योगी आदित्यनाथ यांच्या आईबद्दल आक्षेपार्ह टिप्पणी करणाऱ्या मौलानाला अटक
आतंकवादाविरुद्ध भारताचे नवे धोरण ‘प्रहार’! काय आहेत उद्देश?
अश्विनी भिडे मुंबई महानगरपालिकेच्या आयुक्तपदी
माध्यमांच्या अहवालानुसार, हे तेच विमान होते जे रशियाने २०१४ मध्ये युक्रेनकडून ताब्यात घेतले होते. AN-26 हे ट्विन-इंजिन टर्बोप्रॉप विमान असून त्याचा वापर सैनिकांची ने-आण आणि जखमींची स्थलांतरासाठी केला जातो. या विमानाची क्षमता सुमारे ४० सैनिकांना वाहून नेण्याची आहे. ही दुर्घटना ब्लॅक सीजवळील क्रीमिया द्वीपकल्पावर घडली, जो धोरणात्मकदृष्ट्या अत्यंत संवेदनशील भाग मानला जातो. अशा भागात लष्करी विमान कोसळणे हे सुरक्षा यंत्रणांसाठी गंभीर चिंतेचा विषय ठरू शकते.
