31 C
Mumbai
Saturday, May 25, 2024
घरदेश दुनियाबहुमतानंतर पाकिस्तानच्या पंतप्रधानपदी शाहबाज शरीफ

बहुमतानंतर पाकिस्तानच्या पंतप्रधानपदी शाहबाज शरीफ

सत्तास्थापनेसाठी पीएमएल-एन आणि पीपीपी यांच्यात युती

Google News Follow

Related

भारताचा शेजारी देश पाकिस्तानमध्ये काही दिवसांपूर्वी सार्वत्रिक निवडणुका पार पडल्या होत्या. मात्र, कोणत्याही पक्षाला स्पष्ट बहुमत न मिळाल्यामुळे एकाही पक्षाला बहुमत सिद्ध करता आले नव्हते. त्यानंतर सत्तास्थापनेसाठी पाकिस्तान मुस्लीम लिग-नवाझ (पीएमएल-एन) आणि पाकिस्तान पिपल्स पार्टी (पीपीपी) यांच्यात चर्चा चालू होती. दरम्यान त्यांनी युतीची घोषणाही केली होती. आता आघाडीवर एकमत झाल्यानंतर पंतप्रधानपदी शाहबाज शरीफ यांची दुसऱ्यांदा घोषणा करण्यात आली आहे.

शाहबाज शरीफ यांना ३३६ सदस्यसंख्या असलेल्या सभागृहात बहुमत मिळाले. दोन्ही पक्षांचे एकूण २०१ सदस्य आहेत. त्यामुळे शाहबाज शरीफ यांची एकमताने पंतप्रधानपदी निवड करण्यात आली. आव्हान देणारे ओमर आयुब खान यांना केवळ ९२ सदस्यांचा पाठिंबा मिळू शकला. ओमर आयुब हे कारावासात असलेल्या इम्रान खान यांच्या पाकिस्तान तेहरीक-ए-इन्साफ (पीटीआय) या पक्षाचे नेते आहेत.

हे ही वाचा:

तिकीट कापल्यावर भाजपाचे बिधुरी म्हणाले, ‘पाहुण्यां’चा आदर केला पाहिजे!

भारतीय नौदलाचा खलाशी बेपत्ता, शोध मोहीम सुरु!

दिल्लीतील बदरपूरमध्ये कारचे नियंत्रण सुटून ट्रकला धडक, तीन जणांचा मृत्यू!

तीन मिनिटात ब्राह्मणांना संपवतो म्हणणारा अटकेत

पंतप्रधान पदाची धुरा हातात येणार असल्याचे समजताच शाहबाज शरीफ म्हणाले, “माझे बंधू (नवाज शरीफ) तीन वेळा पाकिस्तानचे पंतप्रधान झाले होते. त्या काळात झालेला पाकिस्तानचा विकास सर्वांनाच माहीत आहे. नवाब शरीफ यांनी विकसित पाकिस्तानचा पाया रचला असे म्हटले तरी ते वावगे ठरणार नाही.” शाहबाज शरीफ सोमवारी राष्ट्रपतींचे निवास्थान ऐवान-ए-सदर येथे पंतप्रधानपदाची शपथ घेतील. शाहबाज शरीफ हे यापूर्वी एप्रिल २०२२ ते ऑगस्ट २०२३ दरम्यान आघाडीच्या सरकारमध्ये पंतप्रधानपदी होते.

spot_img

लेखकाकडून अधिक

प्रतिक्रिया द्या

कृपया आपली टिप्पणी द्या!
कृपया येथे आपले नाव प्रविष्ट करा

The reCAPTCHA verification period has expired. Please reload the page.

आम्हाला follow करा

49,899चाहतेआवड दर्शवा
2,036अनुयायीअनुकरण करा
155,000सदस्य यादीसदस्य व्हा

इतर नवीनतम कथा