बांगलादेशमध्ये राजकीय अस्थिरता असून अंतरिम सरकारचे प्रमुख मुहम्मद युनूस हे राजीनामा देण्याचा विचार करत असल्याचे बोलले जात आहे. राजकीय पक्षांमध्ये एकमत नसल्यामुळे सरकारला काम करणे कठीण होत असल्याचे त्यांचे मत असून यामुळेच ते राजीनामा देण्याच्या तयारीत असल्याचे बोलले जात आहे. विद्यार्थ्यांच्या नेतृत्वाखालील नॅशनल सिटीझन्स पार्टी (एनसीपी) चे प्रमुख एनहिद इस्लाम यांच्या हवाल्याने बीबीसी बांगला सेवेने हे वृत्त दिले आहे.
बांगलादेशच्या काळजीवाहू सरकारचे प्रमुख मुहम्मद युनूस यांनी म्हटले आहे की, सध्याच्या राजकीय संकटामुळे आणि पक्षांमध्ये एकमत नसल्यामुळे ते राजीनामा देण्याचा विचार करत आहेत. नॅशनल सिटिझन पार्टी (NCP) प्रमुख नाहिद इस्लाम यांनी बीबीसी बांगलाला दिलेल्या मुलाखतीत ही माहिती दिली. युनूस यांच्या राजीनाम्याबद्दल सातत्याने चर्चा सुरू असल्याने ते गुरुवारी युनूसला भेटायला गेले होते, असे नाहिद इस्लाम यांनी सांगितले. या भेटीदरम्यान युनूस म्हणाले की, ते राजीनाम्याबद्दल विचार करत आहेत. सध्याच्या परिस्थितीत काम करणे शक्य नाही आणि जोपर्यंत सर्व राजकीय पक्षांचे एकमत होत नाहीत तोपर्यंत ते काम करू शकणार नाहीत.
देशात सुरू असलेल्या राजकीय अडचणींमुळे आणि पक्षांमधील संवादाच्या अभावामुळे त्यांचे सरकार प्रभावीपणे काम करू शकत नसल्याबद्दल युनूस यांनी चिंता व्यक्त केली. जर त्यांना राजकीय पाठिंबा आणि आत्मविश्वास मिळाला नाही तर त्यांच्या पदावर राहण्यात काही अर्थ नाही, असे संकेत त्यांनी दिले आहेत.
अलिकडच्या काळात युनूस यांच्या सरकारला अनेक गंभीर आव्हानांचा सामना करावा लागला आहे. बांगलादेशचे लष्करप्रमुख जनरल वकार-उझ-जमान यांनी मुहम्मद युनूस यांना लवकर निवडणुका घ्याव्यात, लष्करी बाबींमध्ये हस्तक्षेप करणे थांबवावे आणि प्रस्तावित राखीन कॉरिडॉरसारख्या महत्त्वाच्या मुद्द्यांवर लष्कराला माहिती द्यावी असा आदेश दिला आहे.
हे ही वाचा..
हावर्ड विद्यापीठात आंतरराष्ट्रीय विद्यार्थ्यांच्या प्रवेश बंदीचा निर्णय ट्रम्प प्रशासनाने का घेतला?
वैष्णवी हागवणेचे सासरे, दीर सापडले, पोलिसांनी केली अटक
जेव्हा सिंदूर दारुगोळा बनतो, तेव्हा काय होते ते शत्रूने पाहिले!
पंजाब-हरियाणा उच्च न्यायालयाला बॉम्बने उडवण्याची धमकी
गेल्या वर्षी शेख हसीनांच्या अवामी लीग सरकारला विद्यार्थ्यांच्या आंदोलनामुळे पायउतार व्हावे लागले होते. आंदोलनादरम्यान लष्कराने आंदोलकांवर कारवाई करण्यास नकार दिला होता. पुढे हसीना यांनी भारतात आश्रय घेतला. विद्यार्थ्यांच्या मागणीनुसार, मुहम्मद युनूस यांना मुख्य सल्लागार म्हणून नियुक्त केले, ज्यांना कार्यवाहक पंतप्रधानांच्या समतुल्य मानले जाते.
