थॉमस कप २०२६ स्पर्धेत फ्रान्सने ऐतिहासिक कामगिरी करत प्रथमच उपांत्य फेरीत प्रवेश केला आहे. फ्रान्सने जपानवर ३-० असा एकतर्फी विजय मिळवत अंतिम चारमध्ये स्थान निश्चित केले. आता उपांत्य फेरीत त्यांचा सामना भारताशी होणार आहे.
फ्रान्सच्या विजयात एकेरी खेळाडूंनी मोलाची भूमिका बजावली. क्रिस्टो पोपोव, एलेक्स लॅनियर आणि टोमा ज्युनियर पोपोव यांनी सरळ गेममध्ये विजय मिळवत सामना डबल्सपर्यंत जाऊ दिला नाही.
क्रिस्टो पोपोवने कोडाई नाराओका विरुद्ध कठीण लढत देत विजय मिळवला. त्यानंतर लॅनियरने युशी तनाका याला पराभूत करून फ्रान्सची आघाडी मजबूत केली. निर्णायक तिसऱ्या सामन्यात टोमा ज्युनियर पोपोवने कोकी वतनाबेवर २१-१९, २३-२१ असा विजय मिळवत फ्रान्सचा ऐतिहासिक विजय निश्चित केला.
या विजयासह फ्रान्सने स्पर्धेत आपले पहिले पदकही पक्के केले आहे.
हेही वाचा :
भारत- बांगलादेश व्हिसा सेवा पूर्णपणे सुरू होणार?
महागड्या घरांच्या किमती कमी करण्याची म्हाडावर नामुष्की
सूर्यवंशी बाद झाला; जेमिसनला दणका बसला!
सार्वजनिक ठिकाणी नमाज अदा करणे मूलभूत अधिकार नाही
दुसरीकडे, भारताने चीनी तायपेईवर ३-० असा दणदणीत विजय मिळवत उपांत्य फेरी गाठली. भारतासाठी लक्ष्य सेन, आयुष शेट्टी आणि सात्विकसाईराज रंकीरेड्डी–चिराग शेट्टी या जोडीने उत्कृष्ट कामगिरी केली.
दरम्यान, यजमान डेन्मार्कने थायलंडवर ३-१ असा विजय मिळवत उपांत्य फेरीत प्रवेश केला. चीननेही अंतिम चारमध्ये स्थान मिळवले आहे.
यामुळे उपांत्य फेरीत पारंपरिक बलाढ्य संघ आणि नव्या दावेदारांमध्ये जोरदार लढती पाहायला मिळणार आहेत.
