रोहीतजी वाघनखांचे श्रेय घेण्यापूर्वी थोरल्या पवारांना विचारलेत का?

छत्रपती शिवाजी महाराजांनी ज्या वाघनखांनी अफजल खानाचा कोथळा काढला ती वाघनखे पुन्हा भारतात येतायत. गेली अनेक दशके ही वाघनखे ब्रिटनच्या व्हीक्टोरीया एण्ड अलबर्ट म्युझियममध्ये होती. महाराष्ट्रातील महायुती सरकारच्या प्रयत्नांनी ती आता भारतात येत असली तरी त्याचे श्रेय मात्र राष्ट्रवादी काँग्रेसचे आमदार रोहीत पवार यांचे आहे. तसा दावा त्यांनीच केला आहे. ही वाघनखे भारतात येण्याची वेळ मात्र अचूक आहे. देशाला सध्या शिवछत्रपतींच्या वाघनखांची नितांत आवश्यकता आहे.